Lajme flash
Donatella Versace shfaqet për herë të parë pas largimit nga ‘Versace’
30 Mars 2025, 12:41 / SHOWBIZ
Donatella Versace u pa për herë të parë në publik që pas largimit nga posti i Drejtoreshës Kreative të markës Versace. Stilistja 69-vjeçare festoi në klubin e natës Tramp në Londër, e shoqëruar nga supermodelet Kate Moss dhe Amber Valletta.
E veshur me një xhaketë lëkure të zezë dhe xhinse të zbukuruara, Donatella u duk në humor të mirë, pavarësisht spekulimeve mbi largimin e saj nga marka luksoze. Pas më shumë se dy dekadash në krye të Versace, raportimet flasin për tensione me grupin Capri Holdings, që bleu markën në 2018.
Megjithatë, ikonës së modës nuk do t’i mungojë prania në industrinë e luksit, pasi ajo do të vijojë si ambasadore e Versace dhe do të fokusohet në projekte filantropike.
Largimi i Donatella Versace ka ngritur pikëpyetje mbi të ardhmen e markës, pasi lidhjet e saj me yjet e showbiz-it – nga Taylor Swift te Beyoncé e Jennifer Lopez – kanë qenë thelbësore për suksesin e Versace. Drejtimi kreativ tashmë i është besuar Dario Vitale, i cili premton të ruajë trashëgiminë e shtëpisë së famshme të modës.
Po ndodh...
Rama-Meta, si aleanca e 1 Prillit zhbëri Shqipërinë
Nga Namir Lapardhaja
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128