English
Luaj me Fjalëkryq
Lajme flash

Alarmohen te Bajerni, mbrojtësi rrezikon duelin me Interin

15 Mars 2025, 15:28 / SPORT ALFA PRESS

Alarmohen te Bajerni, mbrojtësi rrezikon duelin me Interin

Qendërmbrojtësi i Bajern të Mynihut, Kim Min-xhae, do të mungojë disa javë për shkak të një dëmtimi të “tendinës” të Akilit, tha të premten trajneri Vinsent Kompani. Dëmtimi e përjashton atë nga udhëtimi i së shtunës në Union Berlin, së bashku me ndeshjet kualifikuese të Koresë së Jugut për Kupën e Botës kundër Omanit dhe Jordanisë më vonë në mars.

“Min-xhae është i lënduar”, tha Kompani në një konferencë për shtyp, duke shtuar: “Shpresoj se nuk do të zgjasë shumë, por ai do të jetë jashtë për disa javë”. Trajneri tha se mbrojtësi “po luftonte me tendinën e tij të Akilit”. “Shpresojmë që ai të jetë i disponueshëm në një moment, por duhet të sigurohemi që të mos e teprojmë me ngarkesën që ai ka pasur tashmë.

Shpresojmë se nuk është diçka shumë serioze”, tha belgu. Kim erdhi nga kampioni i atëhershëm italian, Napoli, në verën e vitit 2023 dhe ka bërë 73 paraqitje për Bajernin në të gjitha garat. Këtë sezon, ai ka luajtur 23 nga 26 ndeshjet me bavarezët, duke filluar në çdo rast. Kapiteni i Bajern, Manuel Nojer, është rikthyer në stërvitje individuale të premten, por nuk do të jetë i gatshëm në kohë për ndeshjen e Unionit.

Tabloidi gjerman “Bild” raportoi se Nojer do të rikthehej “pa dyshim” për ndeshjen e parë çerekfinale të Ligës së Kampionëve të bavarezëve kundër Interit të Milanos më 8 prill. Për sa i takon Unionit, Kompani tha:

“Berlinezët janë një skuadër që jeton për momente të veçanta. Ata kanë një mënyrë interesante për të lëvizur topin në fillim të një faze. Shkojnë direkt te sulmuesit ose mesfushorët, të cilët më pas luftojnë për topat e dytë. Janë momente të vogla kaosi që mund të sjellin energji, veçanërisht në ndeshjet në shtëpi.

Ata përpiqen të mbrohen në një mënyrë kompakte. Ne e dimë cilësinë e tyre dhe kemi nevojë për paraqitjen tonë më të mirë, atëherë ka një shans që të fitojmë”. Në Bundesligë, Bayern qëndron i pari në tabelë, tetë pikë më shumë se Bajer Leverkusen i vendit të dytë.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128