Penallti e humbur dhe gol në minutën e 95-të, Valencia surprizon Realin

5 Prill 2025, 20:02 / SPORT ALFA PRESS
Penallti e humbur dhe gol në minutën e 95-të, Valencia surprizon

Real Madrid u mposht në shtëpi nga Valencia, në sfidën e javës së 30-të në La Liga. Miqtë bënë surprizën e madhe në “Bernabeu”, duke triumfuar me rezultatin 2-1.

Disfatë e hidhur për madrilenët që shohin titullin kampion të bëhet edhe më i vështirë për tu arritur.

Ndeshja nisi me vendasit më kërkues dhe Vinicius kishte mundësinë ta zhbllokonte në minutën e 13-të, por gaboi nga penalltia. 2 minuta më vonë, miqtë gjetën avantazhin, me Diakhaby, rezultat me të cilin u mbyll pjesa e parë.

Vinicius barazoi në minutën e 50-të dhe pas kësaj Reali u hodh në sulm në kërkim të përmbysjes. Valencia përfitoi nga hapësirat mbrapa dhe shënoi golin e fitores me Duro në minutën e 95-të.

Me këtë humbje, Reali mbetet në vendin e dytë me 63 pikë, 3 më pak se Barcelona kryesuese, por katalanasit kanë një ndeshje më shumë për të luajtur.  

Po ndodh...