Lajme flash
U dëmtua në ndeshjen Angli-Shqipëri, anësori lë grumbullimin e kombëtares
24 Mars 2025, 16:51 / SPORT
Anglia ka humbur shërbimet e Entoni Gordonit, i cili u dëmtua gjatë ndeshjes kundër Shqipërisë të premten. Ylli i Njukasëllit zëvendësoi Markus Rashfordin në minutat e fundit, por mori një goditje në ijë dhe pas trajtimit të mjekëve shqetësoi kampin e “Tre Luanëve”.
Dhe të dielën erdhi edhe konfirmimi i tërheqjes së lojtarit për ndeshjen e sotme kundër Letonisë. Lajmi për dëmtimin e tij në ijë është gjithashtu një goditje për Edi Haun, pasi ai kërkon t’i udhëheqë “Magpies” drejt një vendi në Ligën e Kampioneve sezonin e ardhshëm.
24-vjeçari ka qenë shumë i rëndësishëm në suksesin e “Qymyrxhinjve” këtë sezon dhe shënoi në të dyja ndeshjet e triumfit të tyre gjysmëfinale të Kupës Karabao kundër Arsenalit, përpara se të humbiste fitoren historike të klubit në finale kundër Liverpulit për shkak të pezullimit.
Mbetet për t’u parë nëse Gordon do të jetë i disponueshëm kur Njukasëlli të luajë ndaj Brentfordit në “St James’ Park” më 2 prill.
Po ndodh...
Edi Rama, një Caligula me smartphone në dorë!
Nga Irena Beqiraj
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128