16 vite pa Bleona Matën, përplasje mes avokatëve/ Beqiri rrëzon pretendimin për vendndodhjen e saj: Gënjeshtër, mashtrim i madh

Një ditë më parë avokati Alban Duraj deklaroi në emisionin “Breaking” se kishte dijeni për vendndodhjen e Bleona Matës, e cila rezulton e zhdukur prej 16 vitesh. Sipas tij, vajza që tashmë është 22 vjeçe, është një studente ekselente dhe është e birësuar nga një çift grek.

Këto deklarata janë hedhur poshtë nga avokati i nënës së Bleonës, Idajet Beqiri, i cili ka folur sot në një lidhje të drejtpërdrejtë me emisionin “Shqipëria Live”. Ai e ka cilësuar deklaratën të papaërgjegjshme dhe u shpreh se Duraj nuk ka lidhje me çështjen.

“Jo vetëm që është e papërgjegjshme, por krijon probleme ligjore, e hedh organin e akuzës në një drejtim që nuk duhet të shkojë. Gjithashtu ka probleme të rëndë me familjen, nënën e Bleonës, njerëzit e tjerë të dashur, vëllain e saj. Ua ngacmon plagën padrejtësisht. Ky person nuk ka lidhje, nuk e di pse është futur këtu”, tha avokati.

Gjithashtu ai tha se nëna e Bleonës, është përballur prej vitesh deklarata dhe teori të ndryshme mbi fatin e vajzës.

“Dikush thotë është martuar këtu, dikush e gjetëm këtu, dikush thotë është adoptuar. Ka plot teori. Me dhimbje i pret të gjitha, edhe këtë deklaratë, por e di që është një gënjeshtër, mashtrim i madh”, tha avokati.

I pyetur nëse kishte ndonjë informacion se për kë bëhej fjalë, në lidhje me vajzën e përmendur nga avokati Duraj, Beqiri e mohoi kategorikisht.

“Madje është vepër penale. Nuk dua të flas shumë për të, komuniteti jonë ka lloj-lloj njerëzish. U bë vetting gjithandej, por duhet bërë dhe brenda avokatëve. Çfarë nuk po dëgjojmë”, vijoi avokati.

Sipas tij, hetimet për rastin e Bleonës janë në një tjetër drejtim dhe deklarata të tilla shpërqendrojnë vëmendjen nga çështja. Gjithashtu ai është shprehur se rasti i Bleona Matës është një fatkeqësi e madhe, e cila prej 16 vitesh nuk po merr një drejtim.

“Është si puna e kungulleshkës, një erë e merr çështjen Prokuroria e Kukësit dhe e ndalon, e dërgon te Policia. Kjo e merr dhe e kthen sërish te Prokuroria që më pas ia dërgon SPAK. SPAK nuk bën gjë.  Momentalisht është çështje e ‘vdekur’, është e pezulluar, nuk ka ndonjë gjë konkrete në drejtimin e duhur. Është një fatkeqësi e madhe, në krim kaq i madh prej 16 vitesh, sot vajza është 22 vjeçe, nuk merr drejtimin e duhur çështja”, përfundoi avokati Beqiri.

Po ndodh...

14:42 BOTA

Mediat e bojkotuan, Shtëpia e Bardhë lançon “Trump TV”, ja çfarë dihet deri më tani

14:32 SPORT

​Zgjodhi Kosovën para Gjermanisë, “Bild” shkruan për Erblin Osmanin

14:27 BOTA

Arabia Saudite rihap tubacionin strategjik/ Brent bie nën 100 dollarë, rikthehen eksportet nga Deti i Kuq

14:19 AKTUALITET

Prifti i parë i Sarandës pas rënies së komunizmit, ndahet nga jeta At Kristo Papa

14:15 POLITIKË

Këshilli Bashkiak i Librazhdit voton pro bashkimit me Prrenjasin, 16 këshilltarë në favor, vetëm një kundër

14:08 BOTA

Sulmi me armë në Turqi/ I mituri eci për disa kohë me çifte në krah, arrestohen prindërit dhe gjyshi i 15-vjeçarit

13:54 AKTUALITET

Sherr mes dy nxënësve në Kukës, 17-vjeçari plagos me thikë shokun e klasës

13:50 KOSOVA

Aktgjykimi ndaj Thaçit dhe ish-krerëve të UÇK-së/ Alon Ben-Meir: Mos e ktheni zhgënjimin në armiqësi ndaj SHBA-së, Kosova të ketë kujdes

13:40 AKTUALITET

Super-aksioni i sotëm ndaj figurave shtetërore, reagon zyrtarisht SPAK: Nga masa e arrestit për kreun e SHISH te kontrollet e imtësishme në kompleksin e vilave në Durrës

13:35 AKTUALITET

Ankimoi masën, Apeli i GJKKO lë në burg Ergys Agasin

13:19 AKTUALITET

Aksioni i SPAK, zbardhet roli i biznesmenit të arrestuar: Fshiu "gjurmët" te vilat qeveritare në Durrës!

13:14 POLITIKË

VIDEO/ Vizita e deputetëve në Manastirin e Zvërnecit, Tabaku e pyet për investimet, At Jani: Ky është vend i Zotit, s'bëhet politikë

13:09 BOTA

Kryetari i Bashkisë së New York sulmon përsëri Netanyahun: Ai duhet të arrestohet kur të vijë në SHBA

12:55 BOTA

Tmerr në Turqi/ 15-vjeçari hap zjarr në shkollë, 11 nxënës të plagosur, dy në gjendje kritike

Dua të lexoj më shumë lajme