Operacioni i SPAK/ Vlora Hyseni dyshohet se është arratisur, arrestohen edhe disa punonjës policie

Detaje të reja janë mësuar nga aksioni i nisur që në orët e para të mëngjesit të sotëm, ku në fokus të hetimeve janë vendosur disa zyrtarë dhe ish-zyrtarë të lartë, përfshirë këtu edhe punonjës të Policisë së Shtetit.

Siç raportuam dhe më herët një nga masat e firmosura nga dy prokurorët, Altin Dumani dhe Bledar Maksuti kishte të bënte me Vlora Hysenin, në duart e të cilës kanë qenë të gjitha “sekretet” e shqiptarëve.

Burime për mediat bëjne me dije se ish-drejtoresha tanimë, pasi ndaj saj u vendos pezullimi nga posti i shefes së SHISH, akuzohet për veprat penale  “Përkrahje e autorit të krimit” dhe “Nxjerrje e sekretit”. Masa e sigurisë është miratuar nga GJKKO, por aktualisht nuk është ekzekutuar, pasi Hyseni ndodhet jashtë vendit.

Gjatë kontrollit të ushtruar në banesën e saj, agjentët e BKH-së nuk e kanë gjetur Vlora Hysenin në shtëpi dhe sipas burimeve dyshohet se ajo është arratisur para ekzekutimit të masës së arrestit.

Sipas të dhënave të bëra publike, ish-drejtoresha e SHISH ndodhet aktualisht në Baku të Azerbajxhanit, ku raportohet se po merr pjesë në një konferencë ku janë mbledhur drejtues të shërbimeve informative nga vende të ndryshme të botës.

Për këtë arsye, masa “arrest në shtëpi” nuk është ekzekutuar deri në këto momente. Mbetet për t’u parë se si do të procedohet me ekzekutimin e vendimit në kushtet kur Hyseni ndodhet jashtë territorit shqiptar.

Sipas hetimit të SPAK, Vlora Hyseni dyshohet se ka kryer veprat penale të përkrahjes së autorit të krimit dhe nxjerrjes së sekretit.

Në qendër të dyshimeve të prokurorëve janë edhe marrëdhëniet që ajo dyshohet se ka pasur me Ergys Agasin, person i arrestuar më herët dhe i dyshuar nga organet e drejtësisë si pjesë e një grupi kriminal që po hetohet për veprimtarinë e tij në dhe rreth strukturave të AKSHI-t.

Burime për mediat bëjnë me dije se në vazhdën e këtij operacioni është bërë i mundur arrestimi i disa punonjësve të Policisë së Shtetit. Detajet mbi numrin e tyre, identitetet dhe akuzat konkrete që rëndojnë ndaj secilit nuk janë bërë ende të gjitha publike, ndërsa hetimi vijon dhe pritet që prokuroria të japë më shumë informacion.

Po ashtu një zhvillim i rëndësishëm ka qenë dhe paraqitje në SPAK e ish-drejtorit të Policisë së Shtetit. Ilir Proda u pa teksa linte ambientet e Prokurorisë së Posaçme, aty ku dhe u mor në pyetje pas kontrolleve që u kryen në banesën e tij.

Po ndodh...

09:10 AKTUALITET

A është cenuar siguria kombëtare? Hera e parë në historinë e Shqipërisë, kreu i SHISH me masë sigurie

08:53 AKTUALITET

Operacioni i madh i SPAK/ Ilir Proda dhe Vlora Hyseni po hetohen për dosjen e AKSHI-t, kontrolle banesash

08:38 BOTA

Kriza ekonomike në Iran, çiftet shtyjnë martesat: Synimi ynë tani është vetëm të mbijetojmë

08:29 AKTUALITET

"Arrest shtëpie"/ SPAK lëshon masë sigurie për kreun e SHISH, Vlora Hyseni

08:16 AKTUALITET

SPAK urdhëron kontrolle ndaj Ilir Prodës

08:12 EKONOMI&SOCIALE

Çfarë po ndodh me monedhat e huaja? Ja sa shitet dhe blihet euro dhe dollari për ditën e sotme

08:08 AKTUALITET

Vranësira, reshje shiu dhe shtrëngata të izoluara, parashikimi i motit për këtë të Martë

07:59 JETË

Horoskopi Ditor E Martë 22 Shtator 2026

00:02 FJALEKRYQI

Skemë e lirë 22 shtator

23:55 SPORT

El Clasico i Topit të Artë, Barcelona dhe Real Madrid në barazim perfekt, 12 fitues secili

23:35 SPORT

Mancini nis epokën e dytë në pankinën e Italisë: I lumtur që u ktheve, për të fituar duhet që në radhë të parë të argëtohemi

23:30 SPORT

Nga certifikata false te postimi për Thaçin, ditë vendimtare për të ardhmen e Granit Xhakës

23:02 KOSOVA

Për të gjashtën natë në Prishtinë, protestë kundër vendimit të Speciales: Drejtësi për krerët e UÇK-së

22:40 POLITIKË

Mbyllet tubimi i 114, thirrjet e protestuesve: Nesër më shumë

Dua të lexoj më shumë lajme