AGSH denoncon incidentet ndaj gazetarëve në protestë: Spraj piperi, pengim në terren dhe sulme verbale

Asociacioni i Gazetarëve të Shqipërisë (AGSH) ka ngritur shqetësimin për incidentet e regjistruara ndaj gazetarëve gjatë protestës së 31 tetorit në Tiranë, duke denoncuar pengimin e raportimit, përdorimin e sprajit me piper dhe intimidimin verbal të punonjësve të medias.

Sipas AGSH-së, deri në momentin e reagimit janë dokumentuar të paktën dy raste kur efektivë të Policisë kanë penguar gazetarët të kalojnë përtej kordonit policor, duke kufizuar mundësinë e tyre për të ndjekur zhvillimet në terren.

Asociacioni thekson se kufizimi i lëvizjes së gazetarëve gjatë protestave, sidomos kur ngjarjet zhvendosen në zona të ndryshme të qytetit, pengon ushtrimin e detyrës dhe aksesin në informacion.

Një tjetër shqetësim i ngritur lidhet me përdorimin e sprajit me piper ndaj gazetares së A2 CNN, Fjorela Beleshi, gazetares së Top News, Kleida Muka, si dhe operatorit të A2 CNN, Eugert Hoxha, ndërsa raportonin nga protesta.

AGSH ka bërë publik edhe rastin e gazetares së Top Channel, Elda Menga, e cila, sipas organizatës, është fyer dhe intimiduar verbalisht nga një burrë rreth të 50-ave gjatë raportimit.

Në reagimin e saj, organizata kërkon nga Policia e Shtetit të japë shpjegime për incidentet e dokumentuara dhe të identifikojë efektivët përgjegjës. Ajo u bën thirrje gjithashtu protestuesve dhe qytetarëve të respektojnë punën e gazetarëve dhe të shmangin çdo formë agresioni ndaj tyre.

AGSH paralajmëron se përsëritja e incidenteve gjatë protestave të javëve të fundit dhe mungesa e përgjegjësisë për rastet e mëparshme rrezikojnë të krijojnë një klimë pandëshkueshmërie, duke cenuar sigurinë e gazetarëve në Shqipëri.

Po ndodh...

20:48 POLITIKË

“PD, në pikën më të ulët që nga themelim i saj”, ish-deputeti demokrat: Partia duhet të reformohet

20:23 AKTUALITET

Përmbyset mjeti sportiv, humb jetën 46-vjeçari në Kukës, plagoset vëllai i tij

19:56 AKTUALITET

Protestuesit izolohen në trotuar para Kryeministrisë, policia u hedh spraj edhe gazetarëve

19:54 POLITIKË

“PD-ja po refuzohet njësoj si qeveria”/ Agim Baçi: Berisha duhet të rimendojë pozicionin e tij, opozita të lexojë realitetin e protestës

19:38 AKTUALITET

Dogana gjermane bllokon pakon me 32 lëkura pitoni, ishte nisur drejt Shqipërisë

19:25 AKTUALITET

Thirrja e të riut në protestë: Në 28 nëntor të bashkohen të gjithë shqiptarët për çlirimin final të vendit

19:06 AKTUALITET

Gjermani sulmon me thikë dy efektivë policie, i hodhi benzinë makinës së një 27-vjeçari

18:50 POLITIKË

Media italiane për protestën në Tiranë: Studentët kërkojnë largimin e Ramës, përplasje me policinë para Ministrisë së Arsimit

18:48 FJALEKRYQI

Skemë kampionësh 31 tetor

18:22 BOTA

Përshkallëzime në Paris, përplasje të dhunshme mes protestuesve dhe policisë, hidhen koktej molotov dhe gaz lotsjellës

18:08 AKTUALITET

Përshkallëzohet situata në rrugët e Tiranës! Molotov drejt autoblindës së policisë, efektivët ndjekin protestuesit në rrugica

17:52 AKTUALITET

Protestuesit bllokojnë rrugën “Myslym Shyri” me koshat e mbeturinave

17:32 AKTUALITET

Droni i Policisë së Shtetit bie mbi protestuesit, forca të shumta të efektivëve ‘mësyjnë’ për të shpërndarë qytetarët nga Kryeministria

17:22 AKTUALITET

I riu në protestë: Civilët më kanë goditur me leva hekuri

Dua të lexoj më shumë lajme