English
Luaj me Fjalëkryq
Lajme flash

Adoleshenti me aftësi të veçanta dhe i apasionuar pas teknologjisë hakëroi 6 institucione, tentoi Kuvendin dhe SHISH! Si u zbulua 15-vjeçari pas një hetimi mujor

5 Prill 2025, 08:53 / AKTUALITET ALFA PRESS

Adoleshenti me aftësi të veçanta dhe i apasionuar pas

Nuk ka qetësi për sigurinë kibernetike të institucioneve shtetërore. Pas hakerimit në kompjuterët e tre prokurorëve të SPAK, një tjetër sulm virtual mësohet të jetë kryer në adresë të disa institucioneve publike, po përgjatë muajit mars.

Një 15-vjeçar me spektrin e autizmit është vënë në hetim nga Policia e Vlorës, pasi dyshohet se ka organizuar një sulm haker ndaj disa institucioneve shtetërore në vend. Blutë e qytetit bregdetar bëjnë me dije se i mituri gjatë muajit mars 2025 ka arritur që të ndërhyjë në mënyrë të paautorizuar në të dhënat kompjuterike të disa institucioneve shtetërore (email-e dhe faqe zyrtare), duke shkaktuar ndërprerjen e funksionimit të tyre për periudha të caktuara kohore.

Deri më tani nuk bëhet me dije se cilat institucione kanë re pre e sulmit haker, por burimet shprehen bëhet fjalë për 6 institucione në qytetin e Vlorës. Pavarësisht sulmit, blutë theksojnë se nuk ka rezultuar të ketë vjedhje të të dhënave apo dokumenteve konfidenciale nga këto sisteme. Mësohet gjithashtu se i mituri ka tentuar që të organizojë sulm haker edhe ndaj Kuvendit dhe SHISH, por nuk ka arritur. Nga hetimet e deritanishme ka rezultuar se i mituri i spektrit autik ka vepruar i vetëm, ndërsa i pyetur nga policia, ka deklaruar se sulmin e ka bërë për kuriozitet. 15-vjeçari u zbulua në kuadër të operacionit “Accountant” pas një hetimi 1- mujor.

Gjatë operacionit u sekuestruan disa pajisje, të cilat do t’u nënshtrohen ekzaminimeve të thelluara teknike, konkretisht: 5 kompjuterë laptop, 6 aparate celularë dhe 1 dron. Lajmi për sulm haker ndaj institucioneve në Vlorë vjen një ditë pasi u bë publike se po gjatë muajit mars, një sulm ishte organizuar ndaj kundrejt “email”-eve të disa prej prokurorëve të SPAK-ut. Sa i takon rastit të SPAK-ut, hakerët nuk kanë mundur të depërtojnë në sistemin e brendshëm të IT, që sipas tyre, mbetet i pacenuar, por kanë arritur që të marrin të dhënat nga adresat e “email”-eve të disa prokurorëve, por s’ka rrjedhje të dosjeve hetimore.

Identifikohet pas një hetimi 1-mujor me metoda speciale dhe vihet në hetim një i mitur si autor i dyshuar. Sektori i Hetimit në Drejtorinë Vendore të Policisë Vlorë, nën drejtimin e Prokurorisë pranë Gjykatës së Juridiksionit të Përgjithshëm Vlorë dhe me mbështetjen e Drejtorisë së Hetimit të Krimeve Kibernetike në Departamentin e Policisë Kriminale në DPPSH dhe Shërbimit Informativ Shtetëror, Dega Vlorë, finalizuan me sukses operacionin policor të koduar “The Accountant”.

Ky operacion u zhvillua pas një hetimi intensiv njëmujor, të ndjekur me metoda speciale hetimi, në kuadër të goditjes së krimeve kibernetike. Si rezultat i hetimeve, u dokumentua veprimtaria e kundërligjshme e një shtetasi të mitur 15 vjeç, banues në Vlorë, i cili dyshohet se gjatë muajit mars 2025 ka ndërhyrë në mënyrë të paautorizuar në të dhënat kompjuterike të disa institucioneve shtetërore (email-e dhe faqe zyrtare), duke shkaktuar ndërprerjen e funksionimit të tyre për periudha të caktuara kohore. Nga hetimet e deritanishme nuk ka rezultuar vjedhje të të dhënave apo dokumenteve konfidenciale nga këto sisteme.

Gjatë operacionit u sekuestruan disa pajisje, të cilat do t’u nënshtrohen ekzaminimeve të thelluara teknike, konkretisht: 5 kompjuterë laptop, 6 aparate celularë dhe 1 dron. Vijojnë hetimet për dokumentimin e plotë të kësaj veprimtarie.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128