English
Luaj me Fjalëkryq
Lajme flash

Trump publikon pamjet e sulmit në Jemen ndaj grupit Houthi: Nuk do të na i fundosin më anijet

5 Prill 2025, 08:30 / BOTA ALFA PRESS

Trump publikon pamjet e sulmit në Jemen ndaj grupit Houthi: Nuk do të

Presidenti i SHBA-së, Donald Trump publikoi një video në Truth Social, ku sipas tij shihen dhjetëra luftëtarë të lëvizjes Houthi teksa vriten gjatë një sulmi amerikan në Jemen , duke e shoqëruar atë me thirrjen sarkastike “oops”.

Imazhet bardh e zi, të marra nga lart – me sa duket nga një dron ushtarak – tregojnë dhjetëra njerëz në një rreth përpara se të binte një bombë.

Kamera kap shpërthimin, tymin e dendur, më pas pamjet e zonës së prekur, ku nuk ka mbetur asgjë, në një distancë të shkurtër shihen vetëm disa automjete.

“Këta Houthi u mblodhën për të marrë urdhra për një sulm”, shkroi Donald Trump sipër videos.

“Oops, nuk do të ketë asnjë sulm nga këta Houthi! Ata nuk do të fundosin më kurrë anijet tona!” shtoi ai.

Zyrtarët dhe mediat në pronësi të Houthi-ve raportuan vdekje të shumta në dhjetëra sulme këtë javë për të cilat fajësuan SHBA-në.

Të hënën, Trump u zotua të vazhdojë të godasë Houthis derisa “grupi terrorist” jemenas të ndalojë sulmet e anijeve tregtare në Detin e Kuq.

Houthis pretendojnë se 67 njerëz janë vrarë që nga 15 marsi, kur SHBA filloi fushatën e sulmeve ajrore.

Houthi-t filluan të synonin anijet tregtare në Detin e Kuq me raketa dhe drone rreth një muaj pasi shpërtheu lufta në Rripin e Gazës në tetor 2023, duke bllokuar hyrjen në Kanalin e Suezit, përmes të cilit kalonte rreth 12 për qind e tregtisë detare botërore që nga viti i kaluar.

Ata thonë se kanë në shënjestër anijet e lidhura me Izraelin në solidaritet me palestinezët.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128