English
Luaj me Fjalëkryq
Lajme flash

EMRI/ Në kërkim nga Italia, arrestohet në Gramsh 39-vjeçari

15 Shkurt 2025, 10:50 / AKTUALITET ALFA PRESS

EMRI/ Në kërkim nga Italia, arrestohet në Gramsh

Policia e Shtetit finalizon operacionin policor të koduar “Operacionalja 26”. Arrestohet në Gramsh një 39-vjeçar i dënuar në Itali për trafikim të lëndëve narkotike

Policia e Shtetit tha sot se ka finalizuar operacionin policor të koduar “Operacionalja 26”, të zhvilluar nga Drejtoria e Forcës së Posaçme Operacionale (Fast Albania), në bashkëpunim me autoritetet italiane.

Si rezultat i shkëmbimit të informacioneve dhe koordinimit me homologët italianë, shërbimet policore lokalizuan dhe arrestuan në Gramsh shtetasin Oltjon Shtylla, 39 vjeç, i shpallur në kërkim ndërkombëtar.

Ky shtetas është dënuar nga Gjykata e Apelit e Firences me 4 vjet e 8 muaj burgim, për trafikim të lëndëve narkotike, kryer në kuadër të një organizate kriminale.

Aktualisht, Interpol Tirana po bashkëpunon me Interpol Romën për të finalizuar procedurat e ekstradimit të tij drejt Italisë, ku do të vuajë dënimin e dhënë nga drejtësia italiane.

Policia e Shtetit thotë se po vijon operacionet dhe bashkëpunimin ndërkombëtar për kapjen e personave të shpallur në kërkim dhe vënien e tyre para drejtësisë.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128