Lajme flash
Hetimet për fondet e USAID për Ballkanin, reagon DASH: Po zhbëhen humbjet
7 Mars 2025, 18:42 / AKTUALITET
Top News ju drejtua me një kërkesë për informacion Departamentin Amerikan të Shtetit, lidhur me hetimet për fondet e USAID në Ballkan.
Në përgjigjen zyrtare DASH deklaron se Departamenti i Shtetit dhe USAID kanë rishikuar rreth 15,600 dhënie, kontrata dhe grante për asistencë të huaj.
Sipas DASH, Veprimet që po ndërmerr administrata po zhbëjnë sipas tyre dekada humbje, mashtrime dhe abuzime.
“Populli amerikan i dha një mandat Presidentit Trump për të çrrënjosur joefikasitetin në të gjithë qeverinë federale.
Sekretari ka punuar me zell që kur u betua për të rishikuar çdo dollar të shpenzuar në Departamentin e Shtetit të SHBA dhe USAID për të siguruar që burimet e taksapaguesve po përdoren për ta bërë Amerikën më të sigurt, më të fortë dhe më të begatë.
Deri më sot, Departamenti i Shtetit dhe USAID kanë rishikuar rreth 15,600 dhënie, kontrata dhe grante për asistencë të huaj.
Veprimet që po ndërmerr administrata po zhbëjnë dekada humbje, mashtrime dhe abuzime. Siç tha Sekretari Rubio, “Në afat të gjatë do të jetë e dobishme, sepse ne do të jemi në gjendje të themi se çdo program që ne jemi atje duke vepruar i shërben interesit kombëtar sepse na bën më të sigurt, më të fortë ose më të begatë”, thuhet në deklaratën zyrtare.
Po ndodh...
ide
top
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128