Lajme flash
Izraeli ndërpreu energjinë elektrike në Gaza, reagon Hamasi: Dënojmë vendimin, është shantazh politik!
9 Mars 2025, 23:24 / BOTA
Hamasi denoncoi sot “shantazhin e papranueshëm” të Izraelit , i cili vendosi të ndalojë furnizimin me energji elektrike në Rripin e Gazës përpara negociatave të reja për vazhdimin e armëpushimit.
“Ne dënojmë kategorikisht vendimin (Izraelit) për të ndërprerë energjinë elektrike në Gaza, pasi e privoi atë nga ushqimi, ilaçet dhe uji,” tha në një deklaratë Izzat al-Rishk, një anëtar i Byrosë Politike të lëvizjes islamike palestineze, duke denoncuar “një politikë të vogël dhe të papranueshme shantazhi”.
Linja e vetme e energjisë midis Izraelit dhe Gazës ushqen impiantin kryesor të shkripëzimit të ujit në këtë territor palestinez, i cili siguron ujë për më shumë se 600,000 njerëz.
Izraeli ndërpreu sot linjën e energjisë elektrike në Rripin e Gazës, tha ministri izraelit i Energjisë Eli Cohen në një deklaratë për mediat gjatë kësaj të diele (9 mars).
“Sapo firmosa një urdhër për ndalimin e menjëhershëm të energjisë elektrike në Rripin e Gazës”, tha Cohen.
Ky zhvillim vjen pasi bisedimet e ndërmjetësuara mbi armëpushimin dhe marrëveshjen e pengjeve janë duke u zhvilluar, ndërkohë që Hamasi kërkon fillimin “e menjëhershëm” të bisedimeve për fazën e dytë të marrëveshjes së armëpushimit të Gazës, të cilën Izraeli e kundërshton.
Izraeli dëshiron të zgjasë fazën e parë të marrëveshjes për të vazhduar shkëmbimin e pengjeve – por pa ndonjë angazhim për përfundimin e përhershëm të luftës.
Javën e kaluar, Izraeli njoftoi bllokadë të të gjithë ndihmave në enklavë për t’i bërë presion Hamasit që të pranonte kushte të reja për një zgjatje të marrëveshjes aktuale të armëpushimit.
Po ndodh...
ide
top
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128