Lajme flash
Kryente mashtrim kompjuterik në bursa, sekuestrohen 1.2 mln euro pasuri të Erjon Kasmit
25 Shkurt 2025, 09:39 / AKTUALITET
1.2 milionë euro pasuri e paluajtshme i janë sekuestruar një 42-vjeçari në Tiranë, pasi dyshohet se rrjedhin nga veprimtaritë kriminale.
Policia e Tiranës bën me dije se katër pasuritë në fjalë, 1 apartament, 2 vendparkime për automjete dhe 1 subjekt tregtar, i përkasin shtetasit Erjon Kasmi, me precedent për mashtrim kompjuterik në bursa.
Sekuestrimi i pronave u bë me vendimin të GJKKO, e cila shpalli fajtor Erjon Kasmin si organizator të skemës mashtruese të call center dhe e dënoi me 11 vite burg. Kasmit iu ul 1/3 (një e treta) e dënimit të dhënë, duke u dënuar përfundimisht me 7 (shtatë) vite e 4 (katër) muaj burgim.
Njoftimi:
Finalizohet operacioni policor i koduar “Fraud”, për gjurmimin dhe sekuestrimin e pasurive që rrjedhin nga krimi.
Operacioni, nga Seksioni për Hetimin e Pastrimit të Parave dhe Aseteve Kriminale i DVP Tiranë, në drejtimin e SPAK.
Sekuestrohen 4 pasuri të paluajtshme, me vlerë rreth 1 200 000 euro, të një shtetasi me precedent për mashtrim kompjuterik në bursa.
Në vijim të punës gjurmuese dhe hetimore, për konstatimin dhe sekuestrimin e pasurive që rrjedhin nga veprimtaritë kriminale, u finalizua operacioni i koduar “Fraud”, në kuadër të të cilit u ekzekutua vendimi i GjKKO-së, për sekuestrimin e 4 pasurive të shtetasit E. K., 42 vjeç, banues në Tiranë.
Konkretisht, u vendos sekuestro mbi 1 aparament, 2 vendparkime për automjete dhe 1 subjekt tregtar, pasuri të cilat dyshohet se rrjedhin nga veprimtaria kriminale e 42-vjeçarit, në fushën e mashtrimit kompjuterik, në bursa.
Materialet procedurale iu referuan SPAK-ut, për veprime të mëtejshme.
Po ndodh...
Fundi i një Lideri të fortë edhe njëkohësisht të dobët, si rasti Rama!
Nga Irena Beqiraj
ide
“Sovranistët” rusofil
Nga Erl Kodra
Si të kapësh peshkun më të madh!
Nga Vincent W.J. Van Gerven Oei
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128