English
Luaj me Fjalëkryq
Lajme flash

Vëzhgim/ “Narko Taxi”, bota e errët e taksive në Tiranë, shitje kokaine dhe punonjëse seksi

21 Shkurt 2024, 19:28 / AKTUALITET ALFA PRESS

Vëzhgim/ “Narko Taxi”, bota e errët e taksive në
Kokaina po shpërndahet nëpër Shqipëri si kurrë më parë. Të gjesh kokainë në Tiranë është aq e lehtë sa të blesh cigare. Zbulohet për herë të parë një rrjet taksish që shpërndajnë kokainë në kryeqytet. Një shërbim publik i menaxhuar nga disa kompani private është streha më e re e trafikantëve. Kokainën e gjen në taksi, kudo dhe kurdo.

Zëri sjell “NARCO TAXI”, një investigim mbresëlënës për fenomenin e panjohur. Online në të gjitha kanalet e ZËRI më 26 shkurt ora 18:30!

Në dokumentarin, i cili është fryt i një investigimi disamujor, faktohet me zë dhe me figurë, sesi shoferët e taksive, të disa prej kompanive që operojnë në Tiranë, janë shndërruar në ndërmjetës të trafikut të kokainës. Në bisedat me bashkëpunëtorët e medias, taksistët zbulojnë se sigurimi dhe shitja e kokainës është një fenomen i zakonshëm, ndërsa nuk mungojnë as ofertat për punonjësit e seksit, duke treguar edhe emrat e hoteleve ku do ofrojnë shërbimet e tyre.

Taksistët i sigurojnë bashkëpunëtorit, kokainën, kontaktet me shitësit, e madje dhe i ofrojnë hapësirën e brendshme të makinës për të konsumuar lëndën narkotike. Sikur të mos mjaftonte e gjitha kjo, taksistët konsumojnë edhe vetë kokainë, dhe më pas dalin në rrugët e kryeqytetit, duke u bërë burim aksidentesh apo ngjarjesh të tjera të rënda./ Zëri

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128