Bizneset e përjashtuara nga tenderat nuk do të rikthehen më përmes gjykatave, BE i imponon qeverisë ndryshimin e ligjit

Bizneset që përjashtohen nga tenderat me vendim të Agjencisë së Prokurimeve Publike nuk do ta kenë më luksin të rikthehen nga dera e prapme përmes gjykatave. 

Bashkimi Europian i ka imponuar qeverisë shqiptare një ndryshim në Ligjin e Prokurimeve Publike, i cili mbyll një shteg të madh abuzimi, që ndodhte shpesh në Shqipëri. Rikthimin e kompanive të përjashtuara në proçedurat e prokurimit duke rrëzuar përjashtimin në gjykata. 

Bëhet fjalë për shtimin e thjeshtë të lidhëzës "ose" në Nenin 78 të ligjit të prokurimeve. Ky ndryshim teknik vjen si një përgjigje direkte ndaj një sfilate vendimesh absurde të Gjykatave Administrative, të cilat në vitet e fundit kanë rrëzuar masën e përjashtimit ndaj kompanive që manipulonin garat publike.

Burokracia që pasuronte mashtruesit
Deri më sot, sa herë që Autoriteti i Prokurimit Publik kapte një kompani me dokumente të falsifikuara, me bilance të rreme apo me përvojë të shpikur dhe e fuste atë në "Listën e Zezë", pronarët e bizneseve i drejtoheshin gjykatës. 

Gjykatat Administrative, përmes një interpretimi të qëllimshëm burokratik, i shpëtonin ato duke argumentuar se ligji ekzistues kërkonte që shoqëria të kishte kryer dy shkelje njëkohësisht: edhe keqinformimin, edhe paraqitjen e dokumenteve të rreme. Nëse kompania kishte bërë vetëm njërën, gjykatat urdhëronin APP-në t'i kthente ato sërish në garat e parave publike.

Tashmë, me formulimin e ri, mjafton që një kompani të kryejë qoftë edhe njërën nga shkeljet – ose të keqinformojë, ose të paraqesë një dokument të rremë – që të fluturojë menjëherë nga sistemi dhe të bllokohet për një periudhë të gjatë nga të gjitha tenderat në Republikën e Shqipërisë.

Goditje edhe "Karteleve" pa pritur gjykatat
Paralelisht, ligji i ri heq një tjetër pengesë të madhe që lidhet me marrëveshjet e fshehta (kartelat) midis kompanive. Nëse Autoriteti i Konkurrencës zbulonte se dy kompani ishin marrë vesh në prapaskenë për të paracaktuar fituesin e një tenderi, ato sërish nuk përjashtoheshin dot nga APP-ja nëse vendimi nuk merrte "formë të prerë" në gjykatë – një proces që zgjaste me vite të tëra. 

Projektligji i vitit 2026 e fshin togfjalëshin "të formës së prerë", duke i dhënë të drejtë shtetit të bllokojë menjëherë firmat abuzuese sapo institucioni kompetent të ketë faktuar marrëveshjen monopol.

Ky ndryshim radikal është pjesë e paketës së emergjencës për hapjen e negociatave me BE-në për grup-kapitullin "Themeloret". Brukseli e ka bërë të qartë: pa një "Listë të Zezë" funksionale dhe pa ndëshkimin e pastër të mashtrimit, Shqipëria nuk mund të aspirojë integrimin evropian./Kapital

Po ndodh...

12:31 EKONOMI&SOCIALE

Bordi i Transparencës vendos çmimet e reja të naftës dhe benzinës, ja sa do të kushtojnë në treg

12:17 BOTA

Tragjedi në Bullgari/ 12 të vdekur dhe 50 të plagosur në aksidentet zinxhir, përplasen mbi 70 makina e kamionë

12:02 BOTA

Opozita izraelite bashkon forcat, arrihet marrëveshja për postet kyçe në Knesset

Nga Zef Preçi 11:50 POLITIKË

Hungaria e Orbánit dhe Shqipëria e Ramës: Biznese qeveritare, dyshime për korrupsion dhe “miqtë” e huaj

Nga Zef Preçi

11:53 POLITIKË

Drejtuesi i Portit të Durrësit/ Liburn Aliu dorëzon i zemëruar detyrën, nuk merr pjesë në prezantimin e pasardhësit Andrea Shllaku

11:51 SPORT

Arbitri që u akuzua se favorizoi Argjentinën në Botëror, UEFA i beson duelin Shqipëri-Finlandë

11:48 EKONOMI&SOCIALE

Lindjet në tremujorin e tretë 2026 zbresin në minimum historik, prirja e rënies duket pa kthim

11:33 AKTUALITET

Akuzohet për zhvatjen e 50 mln eurove me call center, GJKKO liron nga qelia Merxhan Çelikun

11:35 AKTUALITET

Gjyqi ndaj anëtarëve të bandës së Laert Haxhiut, babai i Noizy-it paraqitet në SPAK

11:29 POLITIKË

Ish-ministri i Shëndetësisë në gjykim për dosjen e “Sterilizimit”, Ilir Beqaj paraqitet në GJKKO

11:14 KOSOVA

Kurti kërkon mbështetjen e Francës për anëtarësimin e Kosovës në BE dhe NATO

11:02 AKTUALITET

Aksident në Gramsh, dy të plagosur nga përplasja e mjeteve

10:48 AKTUALITET

EMRI/ Pistoletë me mulli dhe kokainë me vete, arrestohet 42-vjeçari në Kamëz

10:44 POLITIKË

Zgjedhjet, organizimi i partisë, Veliaj dhe protestat kundër qeverisë, çfarë pritet të diskutojë Rama me socialistët në Lalëz

Dua të lexoj më shumë lajme