Lajme flash
Lufta në Ukrainë, Bjellorusia e gatshme të mirëpres bisedimet për paqe! Lukashenko: Trumpin e pres këtu me Putinin dhe Zelenskyn
5 Mars 2025, 10:22 / BOTA
Presidenti i Bjellorusisë, Aleksandër Lukashenko, ka ofruar të presë bisedimet e paqes midis Rusisë dhe Ukrainës, që mund të përfshijnë edhe zyrtarë amerikanë.
“Thuaji Trumpit se e pres këtu me Putinin dhe Zelenskyn”, tha Lukashenko në një intervistë video me blogerin amerikan Mario Nawfal, siç raportohet nga agjencia shtetërore bjelloruse e lajmeve Belta.
Bjellorusia, një aleate e ngushtë e Rusisë, është përballur me sanksione të SHBA-së dhe Evropës për mbështetjen e saj për pushtimin e Ukrainës në shkurt të vitit 2022 dhe për shtypjen e opozitës nga qeveria e saj.
Udhëheqësi bjellorus tha se çdo marrëveshje do të duhet të përfshijë presidentin ukrainas Volodymyr Zelensky “pasi një pjesë e madhe e shoqërisë ukrainase është me të”.
Lukashenko vlerësoi qasjen e Trump për t’i dhënë fund luftës në Ukrainë, duke i quajtur përpjekjet e tij diplomatike një ide të shkëlqyer.
“Trump është një djalë i mirë. Ai flet shumë për këtë dhe tashmë ka bërë diçka për t’i dhënë fund luftës në Ukrainë dhe luftës në Lindjen e Mesme,” tha ai.
Publikimi i intervistës së Lukashenkos pason pretendimin e Trump të martën se Zelensky i kishte thënë atij se ishte gati për bisedime për një “paqe të qëndrueshme” me Rusinë.
Po ndodh...
Lista e mbyllur!
Nga Edison Ypi
ide
Drejtësia, kryefjala e zgjedhjeve parlamentare të 11 majit
Nga Ervis Iljazaj
A po i jep të drejtë koha Lulzim Bashës?
nga ardit haxhija
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128