English
Luaj me Fjalëkryq
Lajme flash

Rezultati i zgjedhjeve në Kosovë, Elezi: Do të presim vendimin e Gjykatës Supreme

14 Mars 2025, 08:56 / BOTA ALFA PRESS

Rezultati i zgjedhjeve në Kosovë, Elezi: Do të presim vendimin e

Para shpalljes së rezultateve të zgjedhjeve parlamentare të 9 shkurtit, KQZ do të marrë konfirmimet e Panelit zgjedhor për Ankesa dhe Parashtresa dhe Gjykata Supreme nëse në këto institucione ka ndonjë ankesë që kërkon vendimmarrjen e tyre.

Zëdhënësi i KQZ-së, Valmir Elezi tha se aktualisht KQZ-ja është duke pritur vendimmarrjen nga Gjykata Supreme, lidhur me ankesën e paraqitur në këtë institucion nga një subjekt politik i certifikuar. Pas ndjekjes së këtyre hapave ligjor, ai tha se KQZ-ja mund t’i shpallë rezultatet përfundimtare të zgjedhjeve të 9 shkurtit.

“KQZ është duke pritur vendimmarrjen nga Gjykata Supreme për një ankesë. Për të ardhur deri te shpallja e rezultatit përfundimtar te subjekteve politike dhe kandidatëve për deputetë, Komisioni Qendror i Zgjedhjeve është duke ndjekur hapat e paraparë me Ligjin e ri për Zgjedhjet e Përgjithshme dhe aktet nënligjore.

Aktualisht, KQZ është duke pritur vendimmarrjen nga Gjykata Supreme lidhur me ankesën e paraqitur në këtë institucion nga një subjekt politik i certifikuar.

Para thirrjes së mbledhjes për shpalljen e rezultateve, KQZ do të marrë konfirmimet nga PZAP dhe Gjykata Supreme nëse në këto institucione ka ndonjë ankesën që kërkon vendimmarrjen e tyre dhe nëse KQZ mund të procedoje me shpalljen e rezultateve përfundimtare”, tha Elezi.

Në zgjedhjet parlamentare të 9 shkurtit, në bazë të rezultateve preliminare të KQZ-së, Vetëvendosje ka dalë e para, e dyta PDK, LDK e treta dhe AAK-Nimsa e katërta.

Komisioni qendror i zgjedhjeve njoftoi më herët se ka përfunduar edhe rinumuërimi i fletvotimeve të pavlefshme nga votimi me postë, pas kërkesës së Vetëvendosjes.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128