Lajme flash
Zjarret katastrofike “gjunjëzojnë” Korenë e Jugut! Raportohet për të paktën 24 të vdekur! Mbi 23 mijë banorë evakuohen nga shtëpitë e tyre!
26 Mars 2025, 15:56 / BOTA
Të paktën 24 persona kanë humbur jetën, si pasojë e zjarreve katastrofike që kanë pushtuar Korenë e Jugut ditët e fundit.
BBC raporton se vatrat e zjarrit janë ende aktive, duke shkaktuar dëme të mëdha në rajonin juglindor të Koresë së Jugut.
Mësohet se shumica e viktimave janë të moshave 60 deri në 70 vjeç.
Autoritetet bëjne me dije se nga zjarret kanë mbetur të dëmtuar rreth 26 persona, 12 prej tyre janë në gjendje kritike.
Sipas mediave të huaja, zjarret vdekjeprurëse kanë detyruar më shumë se 23,000 banorë të largohen nga shtëpitë e tyre.
Kriza “e paprecedentë” mbetet kritike dhe po “rishkruan librat e rekordeve për zjarret më të këqija në historinë e kombit tonë”, tha presidenti në detyrë Han Duck-soo.
Zjarret dogjën gjithashtu tempullin 1300-vjeçar të Gounsa në qytetin Uiseong.
Zjarret nisën në qarkun Sancheong të premten pasdite dhe më vonë u përhapën në qarkun Uiseong, thanë autoritetet.
Të nxitur nga erërat e forta, zjarret po përparojnë në qarqet fqinje të Andong, Cheongsong, Yeongyang dhe Yeongdeok, njoftoi agjencia e lajmeve Yonhap.
Zjarri në Uiseong po përhapet me një shkallë dhe shpejtësi “të paimagjinueshme”, tha për Reuters Lee Byung-doo, një ekspert i fatkeqësive pyjore në Institutin Kombëtar të Shkencës Pyjore.
Një helikopter zjarrfikës u rrëzua në malet e qarkut Uiseong pak pas mesditës të së mërkurës, sipas autoriteteve, të cilët po hetojnë shkakun.
Sondazhet dhe e vërteta!
Nga Alban Daci
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128