Lajme flash
Emiliano Martinez vendos maskë për t’u rikthyer sa më shpejt në fushë
30 October 2026, 20:02 / SPORT
Portieri i Chelsea-t, Emiliano Martinez, po bën gjithçka për t’u rikthyer sa më shpejt në fushën e lojës, pas frakturës në nofull që e ka mbajtur jashtë aktivitetit në javët e fundit.
Sipas raportimit të “The Athletic”, gardiani argjentinas ka vizituar një specialist për të vlerësuar gjendjen e tij fizike dhe mundësinë e përshpejtimit të procesit të rikuperimit. Dëshira e Martinez është që të jetë sërish në dispozicion të skuadrës angleze përpara afatit të parashikuar fillimisht.
Një nga alternativat që po shqyrton portieri është përdorimi i një maske të posaçme mbrojtëse në fytyrë. Kjo zgjidhje mund t’i mundësojë atij rikthimin në stërvitje dhe më pas në ndeshjet zyrtare, duke ofruar mbrojtjen e nevojshme për zonën e dëmtuar.
Sipas burimeve të cituara në raportim, ekziston optimizëm për një rikthim më të shpejtë se sa ishte parashikuar, megjithatë vendimi përfundimtar do të varet nga ecuria e rikuperimit dhe vlerësimi i stafit mjekësor gjatë ditëve në vijim.
Rikthimi i Martinez do të ishte një lajm i rëndësishëm për Chelsea-n, pasi argjentinasi është një prej lojtarëve kryesorë të skuadrës dhe një element me shumë përvojë në portë.
Po ndodh...
Studentët dhe shqiptarët nuk të duan ty Sali, jo PD-në!
Nga Bato Kosova
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128