Ambasadori i Gjermanisë Berger i prerë: Përpjekjet e papenguara kundër korrupsionit në nivele të larta, kusht i panegociueshëm për në BE

Ambasadori gjerman në Tiranë, Karl Bergner, ka dhënë një mesazh të qartë për politikën shqiptare dhe institucionet e drejtësisë: rruga drejt Bashkimit Europian kalon nga një drejtësi e pavarur dhe nga një luftë reale, e papenguar, kundër korrupsionit, përfshirë korrupsionin në nivelet më të larta. Në një moment kur raporti mes politikës dhe drejtësisë është në qendër të debatit publik, diplomati gjerman e ka bërë të qartë se këto standarde nuk janë të negociueshme dhe se ndryshimi i ligjeve, pa rezultate konkrete në praktikë, nuk mjafton. 

Karl Bergner, në një intervistë për DW, ka deklaruar se pavarësia gjyqësorit dhe përpjekjet e papenguara kundër korrupsionit, përfshirë rastet e korrupsionit në nivele të larta janë parakushte të panegociueshme për anëtarësimin në BE. 

Sipas diplomatit gjerman reforma në drejtësi ka qenë një faktor kyç që ka mundësuar avancimin e procesit të anëtarësimit të Shqipërisë në BE. 

“Një shtet i fortë i së drejtës, mbrojtja e të drejtave themelore dhe një demokraci pluraliste janë në themel të vlerave evropiane. Respektimi i pavarësisë së gjyqësorit dhe përpjekjet e papenguara kundër korrupsionit, përfshirë rastet e korrupsionit në nivele të larta, janë parakushte të panegociueshme për përparimin e Shqipërisë në procesin e anëtarësimit në BE”, deklaroi ambasadori.

Ambasadori beson se “Shqipëria do të vazhdojë dhe do të shtojë përpjekjet për të forcuar shtetin e së drejtës dhe pavarësinë e gjyqësorit, si dhe për të luftuar korrupsionin dhe krimin e organizuar, për të përmendur disa nga fushat më të rëndësishme”.

Sipas tij, ndryshimi i ligjeve nuk mjafton, duke theksuar se “si BE-ja, ashtu edhe qytetarët shqiptarë presin të shohin ndryshime reale dhe të prekshme në praktikë, si dhe krijimin e kapaciteteve të nevojshme në administratën publike dhe institucionet e pavarura”. 

Ambasadori gjerman shtoi: "Në këtë drejtim, reforma në drejtësi ka qenë një faktor kyç që ka mundësuar avancimin e procesit të anëtarësimit të Shqipërisë në BE. Për të ardhmen, Shqipëria është zotuar për reforma të mëtejshme që lidhen me shtetin e së drejtës. Ky ka qenë fokusi kryesor i Gjermanisë në rrugën e Shqipërisë drejt anëtarësimit në BE prej shumë vitesh dhe i tillë do të mbetet." 

Po ndodh...

17:37 AKTUALITET

Riaktivizohet vatra e zjarrit në Çërrilë të Mallakastrës

17:20 BOTA

Izraeli nis tre sulme ajrore në Libanin jugor

17:02 FJALEKRYQI

Skemë kampionësh 10 shtator

16:58 EKONOMI&SOCIALE

Raporti i PISA 2025 kërkon reflektim, transparencë dhe përgjegjësi

16:52 AKTUALITET

“Pagat të zhbllokohen menjëherë”, Mbledhja e Përgjithshme e Gjyqtarëve paralajmëron: Do përshkallëzojmë masat

16:36 POLITIKË

Trump e largoi nga administrata e tij në gusht të këtij viti, Berisha e Mediu takojnë Ed Martin

16:21 BOTA

BE rregulla të reja për qiratë ditore përmes Airbnb dhe Booking

15:04 POLITIKË

SPAK sqaron refuzmin e takimit me avokatët e huaj të Veliajt: Nuk ka refuzim, por pamundësi organizative

14:25 POLITIKË

Villa for €650,000 with a swimming pool and a yacht-like design/ How Arbër Abazi financed Balluk's luxury. Lala gives details from the asset seizure: SPAK should also question Rama

14:24 AKTUALITET

Stock market fraud in Tirana/ SPAK and the German prosecution strike the "Bluenergycall" call center, 8 security measures are given

14:19 KOSOVA

28 orë përgjime në Hagë, Prokuroria zbardh bisedat e Thaçit: U jepte udhëzime konkrete se çfarë t’u thoshin dëshmitarëve

14:04 KOSOVA

Prokuroria në Hagë mbyll fjalën përfundimtare, kërkon 6 vite burg për Hashim Thaçin

13:43 EKONOMI&SOCIALE

SIGAL në RVS Monako me drejtuesit botërorë të risigurimeve: €1.5 miliardë kapacitet për katastrofat në Shqipëri

13:28 POLITIKË

Rrajca përplaset me deputetët e PS, banorët braktisin dëgjesën për Reformën Territoriale

Dua të lexoj më shumë lajme