Lajme flash
“T’i lëmë të mbysin njëri-tjetrin”, Koçeku flet për Ramën dhe Veliajn: Ka nisur një skizmë brenda PS-së
2026-11-03 21:50:00 / POLITIKË
Deputetja e pavarur dhe ish-deputetja e Partisë Socialiste, Marjana Koçeku, ishte mbrëmjen e sotme e ftuar në emisionin “Prime News24”, ku ka komentuat përplasjen mes kryeministrit Edi Rama dhe kryebashkiakut të Tiranës, Erion Veliaj.
Gjatë emisionit ajo e cilësoi situatën si një luftë, që sipas saj, duhet të vijojë pa ndërhyrjen e palëve të tjera, duke theksuar se duhet t’i lëmë në këtë rrugëtim që ata kanë nisur.
“Situata është e qartë, të dy flasin nga burgu, por njëri është brenda dhe tjetri jashtë burgut. Ka një luftë mes tyre dhe mendoj se duhet t’i lëmë të mbysin njëri-tjetrin. Nuk kemi pse shpëtojmë asnjërën palë, por t’i lëmë në këtë rrugëtim që kanë nisur dhe që nuk ka shenja të kthehet pas”, u shpreh ajo.
Po ashtu, Koçeku foli edhe për përçarjen brenda Partisë Socialiste, ku u shpreh se skizma të tilla kanë qenë të pranishme në PS edhe në periudhën kur ajo është larguar vet nga partia. Gjithashtu ajo paralajmëroj se situata aktuale do të shkaktojë përçarje të tjera në PS.
“Ishte e pashmangshme që do të kishte skizma të tilla politike. Një e tillë ishte në PS edhe kur u largova unë dhe pritet të ketë një ‘butterfly effect’ në vijim. Kjo që ndodhi pritej dhe besoj se do të zgjasë në kohë. Efektet e asaj që po ndodh do të ndikojnë edhe në krijimin e skizmave të tjera në PS”, deklaroi Koçeku.
Po ndodh...
ide
Mussolini, Rama and their collaborators who know a lot!
Nga Irena Beqiraj
The System's Tricky Dice: Rama and Berisha, or Edi and Saliu!
Nga Eva Idrizllari
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128