Lulzim Basha reagon pas ndarjes nga jeta të Gjergj Hanit: Humbëm një burrë fisnik që nuk lejoi diktaturën t’i shuante zërin e kërkonte demokraci

Ish-lideri demokrat Lulzim Basha ka reaguar për humbjen e parakohshme të ish-të burgosurit politik Gjergj Hani, të cilin e kujton si një burrë fisknik i cili nuk i negocoi kurrë parimet e tij.

“Me trishtim të thellë mora lajmin për ndarjen nga jeta të Gjergj Hanit. Një burrë fisnik, me karakter të fortë dhe dinjitet të rrallë, që nuk i negocioi kurrë parimet dhe vlerat e tij. Një njeri që e njohu herët çmimin e lirisë dhe që, pavarësisht gjithçkaje që përjetoi, nuk hoqi dorë kurrë prej saj.”, shkruan Basha në postimin e bërë pasditen e sotme në rrjet.

Duke shkruar për të shkuarën e Gjergj Hanit, një ish-i burgosur politik dhe i mbijetuar i diktaturës, Basha shkruan për guximin e Hanit të cilin e kujton si sypatrembur përballë pushtetit që kërkonte të rikthente lirinë, demokracinë dhe vlerat konservatore.

“Por Gjergj Hani nuk ishte vetëm një i mbijetuar i diktaturës. Ai ishte një njeri që zgjodhi të mos heshte përballë së kaluarës. Besonte se krimet e komunizmit duhej të dokumentoheshin, se historia duhej të analizohej mbi bazën e fakteve dhe se shoqëria shqiptare kishte nevojë për një përballje të vërtetë me të shkuarën, përfshirë edhe procesin e lustracionit.

Edhe në angazhimin e tij publik dhe politik, mbeti i lidhur me bindjet e veta. Kërkonte një të djathtë që të rikthente në themel lirinë, demokracinë dhe vlerat konservatore, duke e konsideruar moralin dhe dinjitetin si parime të panegociueshme të jetës publike.”, vijon më tej reagimi i Bashës.

Reagimi i plotë i Lulzim Bashës:

Me trishtim të thellë mora lajmin për ndarjen nga jeta të Gjergj Hanit. Një burrë fisnik, me karakter të fortë dhe dinjitet të rrallë, që nuk i negocioi kurrë parimet dhe vlerat e tij. Një njeri që e njohu herët çmimin e lirisë dhe që, pavarësisht gjithçkaje që përjetoi, nuk hoqi dorë kurrë prej saj.

Gjergj Hani ishte vetëm 16 vjeç kur guxoi të sfidonte diktaturën komuniste dhe të kërkonte lirinë përtej kufirit. Natën e 27 majit 1985, teksa përpiqej të arratisej përmes liqenit të Ohrit, në zonën e Linit, u zbulua nga rojet kufitare dhe u qëllua me armë. Pas arrestimit, regjimi e akuzoi për tradhti ndaj atdheut dhe e dënoi me pesë vjet burg.

Ende i mitur, u dërgua në burgun famëkeq të Qafë-Barit, ku u detyrua të punonte në minierë. Por as lirimi i tij përmes amnistisë nuk i dha fund përndjekjes. Në vitin 1987 u arrestua përsëri dhe u dënua me 11 vjet burg. Lirinë e rifitoi vetëm më 6 shkurt 1991, pas afro pesë vitesh burgim në dy dënime politike. Një muaj më vonë emigroi në Itali, në kërkim të lirisë që diktatura ia kishte mohuar në vendin e tij.

Por Gjergj Hani nuk ishte vetëm një i mbijetuar i diktaturës. Ai ishte një njeri që zgjodhi të mos heshte përballë së kaluarës. Besonte se krimet e komunizmit duhej të dokumentoheshin, se historia duhej të analizohej mbi bazën e fakteve dhe se shoqëria shqiptare kishte nevojë për një përballje të vërtetë me të shkuarën, përfshirë edhe procesin e lustracionit.

Edhe në angazhimin e tij publik dhe politik, mbeti i lidhur me bindjet e veta. Kërkonte një të djathtë që të rikthente në themel lirinë, demokracinë dhe vlerat konservatore, duke e konsideruar moralin dhe dinjitetin si parime të panegociueshme të jetës publike.

Gjergj Hani nuk arriti ta kalonte kufirin atë natë maji të vitit 1985. Por nuk lejoi që diktatura t’ia shuante zërin. Deri në fund të jetës mbeti një dëshmitar i qëndresës dhe një njeri që besonte se liria nuk është thjesht rrëzimi i një regjimi, por edhe një proces i brendshëm, një mënyrë për të jetuar pa tradhtuar veten.

Do të mbetet në kujtesë për guximin, dinjitetin dhe besnikërinë ndaj parimeve të tij. Ngushëllimet më të sinqerta bashkëshortes Freskidës dhe familjes së tij. U prehtë në paqe!

Po ndodh...

15:01 AKTUALITET

Stuhia “Charls” pritet të godasë sonte Shqipërinë, ja zonat më të rrezikuara

14:40 POLITIKË

I fluturuan vezën mbi kokë në Dublin/ "Irish Times" zbardh prapaskenat: Një i arrestuar pas incidentit, si u përjashtuan shqiptarët nga aktiviteti ku fliste Rama

14:45 POLITIKË

"Na pëlqen apo jo, do t’i keni aty", Rama i jep leksione Zelenskyt: Bisedoni me rusët!

14:37 SPORT

Përballja e sotme me Finlandën, kuqezinjte me katër mungesa në listë

14:13 AKTUALITET

Vrasjet që tronditën Brukselin, kush është shqiptari i ekzekutuar pranë Parlamentit Evropian?

14:08 POLITIKË

“Më duhen 200 mijë patjetër”/ Nga mesazhi me biznesmenin te akuzat për lobimin në SHBA, Meta në GJKKO: Jam kërcënuar nga 5 fëlliqësira ambasadash!

14:07 AKTUALITET

Zbardhen detajet e aksionit në Spitalin Rajonal Fier, drejtori Arben Voja merret në pyetje nga SPAK-u

14:03 POLITIKË

Autogoli i Sara Milas! Kallëzimi i drejtorit që rekrutoi për vota në Gjocaj i zbuloi skemën

13:53 AKTUALITET

"Pa largimin e Ramës nuk ka zgjedhje të ndershme”/ Kovaçi: SHBA dha një mesazh pozitiv për rininë, Shqipëria ka nevojë për ndryshim të qeverisjes

13:52 POLITIKË

“Mbahet në izolim të plotë”/ Avokati: Veliajt nuk i sigurohet dokumentacioni shëndetësor

13:41 POLITIKË

Shqiptarët e pritën me vezë, Rama ironizon protestën nga Dublini: Çfarë të bëjmë, kjo është demokracia!

13:33 POLITIKË

Deklaroi se Samiti NATO-s do mbahej në Tiranë, Rama përgënjeshtron veten: S’do mbahet më 2027-ën në Shqipëri

13:24 AKTUALITET

Prokuroria bastis spitalin Memorial të Fierit, lëshohet urdhërarrest për drejtorin

13:19 AKTUALITET

"Mos fol tani, sqarohemi kur të dalim", përgjimi në qeli i nënës e djalit që akuzohen për vrasjen e Urim Fikut

Dua të lexoj më shumë lajme