Lajme flash
Berisha: Në Kushtetuese u cënua ndarja e pushteteve, dje ishte një ditë e errët për shtetin
23 Janar 2026, 19:01 / POLITIKË
Kreu i Partisë Demokratike, Sali Berisha, u ndal sot në zhvillimet e fundit në drejtësi, duke deklaruar se në Gjykatën Kushtetuese është cenuar rëndë parimi i ndarjes së pushteteve.
Gjatë një takimi me të rinjtë e FRPD-së, Berisha e cilësoi seancën e djeshme për pezullimin e Ballukut si një nga më të errëtat në historinë e shtetit shqiptar.
Sipas tij, ajo që ndodhi në Gjykatën Kushtetuese ishte një skenë e pashembullt, ku përfaqësues të Kryeministrisë, Presidencës dhe Kuvendit u përballën me një prokuror, në një proces që ai e cilësoi si të zhveshur nga ligji dhe i mbështetur vetëm në interesa politike.
“Sot nëse i ati i tij në atë diktaturë totalitare ku kushtetuta ndalohej mendimin ndryshe firmoste varjen në litar kundërshtarin politik se thurnin vargje për lirinë, sot bastardi i tyre me emër Edi Rama burgos në vit elektoral krerët e partive politike. Në këtë diktaturë të gjithë pushtetet përqendrohen në një dorë. Mos e harroni kurrë ditën e djeshme. Një ditë e pashembullt, në historinë e një shteti. Ditë në të cilën përfaqësuesit e kreut të shtetit, kryeministrit, kreut të parlamentit, përballeshin me një prokuror që bënte ligjin.
Nuk kisha pa skena më tronditëse. Ditë më të turpshme në historinë e botës nuk ka. Kur një prokuror në emër të ligjit ka vendosur të thërrasë para ligjit në hetuesi, ta pezullojë zv.kryeministren mbi bazën e 1000 fakteve për tu përgjigjur para ligjit. Aty ku është emri Belinda është emri Edi Rama, tani çdo gjë duhet të përfundojë te këmbët e saj.
Nuk kishte skenë më të pashembullt, ku dilnin njëri pas tjetrit përfaqësuesit e kryeministrit, presidentit, parlamentit përballë ligjit zero, përveçse moralin e hajdutit. Aty është Edi Rama. Pa ndarje të pushteteve nuk ka kurrë asnjë sistem tjetër veçse diktaturë. Prokurorë, gjykatës bëjnë gabime, kjo ndodh edhe në SHBA.
Këta rreshtoheshin për të mbrojtur një hajdute, e cila ju them ju në mënyrë absolute në çdo tender ka firmën dhe dorën e saj të zezë që shkon në mld euro për vete dhe Edi Ramën. Ju mblidhni sot këtu ku vetëm në Shengen janë larguar 700 mijë shqiptarë. Ne si komb jemi në kërcënim absolut ekzistencial. Pas 50 vitesh shqiptarët konsiderohen komb të fshirë.” – tha Berisha.
Po ndodh...
Po të donte Sali Berisha, Edi Rama do të binte nesër!
Nga Bato Kosova
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128