Lajme flash
RENEA dështoi disa herë për ta kapur, Ylli Zalla e thotë në Gjykatë: U vetëdorëzova, kësaj radhe po i prisja në shtëpi të vinin
19 August 2026, 13:36 / AKTUALITET
“Jam vetëdorëzuar, i prisja që të vinin!”, kjo ka qenë deklarata e Ylli Zallës mesditën e kësaj të mërkure teksa doli para togave të zeza, dy ditë pas arrestimit të tij.
Burime për mediat bëjnë me dije se ashtu sikurse dhe dhjetëra herë të tjera gjatë deklaratave të tij nga arratia, edhe ditën e sotme ai ka hedhur poshtë akuzat e ngritura ndaj tij dhe përfshirjen në atentatin e Riansit, ku mbetën viktima Gilmando Dani dhe Muçi Shaljani,
Gjatë fjalës së tij, Zalla ka kundërshtuar versionin se është përpjekur t’i shpëtojë RENEA-s, duke thënë se ka qenë vetë ai që ka dalë përballë efektivëve dhe është dorëzuar.
“Jam vetëdorëzuar, i prisja që të vinin. Isha aty afër. Policia e Shtetit, policia e Tiranës edhe e Krujës më kanë futur në hasmëri me gjithë zonën dhe duan të më vrasin”, është shprehur ai.
Megjithatë Gjykata ka vendosur që ta lërë në burg. Zalla akuzohet për veprat penale që lidhen me armët dhe municionet e gjetura në pronën e e tij, teksa prej muajsh ishte shpallur në kërkim pasi dyshohet se u ka dhënë armë autorëve të përfshirë në atentatin e nëntorit të vitit të kaluar.
Në sallën e gjyqit, mbrojtja ka kërkuar një masë më të butë. Argumenti i avokatit ka qenë se armët e sekuestruara ishin të vjetra dhe disa prej tyre nuk funksiononin. Sipas mbrojtjes, nuk ka prova që Zalla t’i ketë përdorur ato për aktivitet kriminal.
Zalla ishte shpallur në kërkim prej nëntorit të vitit të kaluar. Për arrestimin e tij u angazhuan forcat RENEA, ndërsa operacioni tërhoqi vëmendje edhe për faktin se ai kishte mundur t’u shpëtonte disa kontrolleve të policisë.
Një ditë para arrestimit të tij, një sasi e konsiderueshme tritoli iu vendos në shtëpinë e tij në fshatin Zallë në Fushë Krujë.
Sakaq edhe nga arratia Zalla ka dalë publikisht dhe ka mohuar gjithmonë lidhjen e tij me atentatin e Rinasit. Në një intervistë për gazetarin Spartak Koka, ai tha se ditën e atentatit ndodhej në banesën e tij në Fushë-Krujë dhe më pas kishte shkuar për disa orë në Patok.
Sipas Zallës, për ngjarjen kishte mësuar vetëm pasi ishte kthyer dhe kishte dëgjuar lajmet. Ai ka këmbëngulur se lëvizjet e tij mund të kontrollohen përmes kamerave të sigurisë dhe se kontrollet e policisë në banesat dhe ambientet e tij nuk kishin nxjerrë prova që e lidhnin me vrasjen.
Ndërkohë, ka hedhur edhe një tjetër pretendim, duke thënë se kishte mësuar se për eliminimin e tij ishte ofruar një shumë e madhe parash. Sipas tij, qëllimi ishte që dosja e atentatit të mbyllej pa u zbuluar autorët e vërtetë.
Po ndodh...
ide
Intelekrualëve u kanë prerë kordat e zërit!
Nga Ardi Stefa
Protesta nuk është restorant
Nga Thoma Gëllçi
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128