SPAK po e heton/ Pasi e miratoi në parlament pas mesnate dhe e dekretoi formulën e re të pagave, Rama u lutet magjistratëve: Hajde të bisedojmë!

Ndërkohë që SPAK ka nisur një hetim të thelluar ndaj ministrisë së Financave, kryeministri Edi Rama ka reaguar pas miratimit nga Kuvendi të formulës së re të pagave. Edhe pse pas mesnate e bëri fakt të kryer me votat socialiste kurse presidenti nxitoi ta dekretoj ligjin, Rama është lutur këtë mëngjes, duke kërkuar që qeveria dhe përfaqësuesit e pushtetit gjyqësor të ulen në një tryezë për të gjetur një zgjidhje afatgjatë për sistemin e pagave të magjistratëve.

Reagimi i Ramës vjen pasi Kuvendi miratoi në orët e para të së premtes, me 84 vota, ndryshimet për formulën e pagave. Vetëm pak orë më vonë, Presidenti Bajram Begaj dekretoi ligjin, pasi Parlamenti i kërkoi që procedura e shpalljes së dekretit të kryhej me urgjencë.

Pas mbylljes së kësaj procedure, Rama ka zgjedhur t’u drejtohet publikisht drejtuesve të institucioneve të drejtësisë, duke kërkuar që debati për pagat të vazhdojë në një tryezë institucionale.

Në postimin e tij në rrjetet sociale, kryeministri fton drejtuesit e Këshillit të Lartë Gjyqësor, Këshillit të Lartë të Prokurorisë dhe drejtuesit e institucioneve të tjera të gjyqësorit që t’i përgjigjen pozitivisht kërkesës për takim.

Sipas Ramës, palët duhet të diskutojnë pa humbur kohë për një formulë që garanton në mënyrë afatgjatë pagat e magjistratëve, por që njëkohësisht ruan atë që ai e quan ekuilibri i piramidës shtetërore të pagave.

“Uroj dhe besoj që përfaqësuesit e pushtetit gjyqësor, që nga drejtuesit e dy këshillave dhe me radhë drejtuesit e institucioneve të gjyqësorit, do t’i përgjigjen pozitivisht ftesës për t’u ulur së bashku në një tryezë pune pa humbur kohë”, shkruan Rama.

Kryeministri përcakton edhe objektivin e tryezës. Sipas tij, diskutimi duhet të prodhojë një zgjidhje që nuk e trajton çështjen e pagave vetëm për momentin, por vendos një raport të qëndrueshëm mes trajtimit financiar të magjistratëve dhe sistemit të përgjithshëm të pagave të shtetit.

Rama kërkon që diskutimi të mos mbetet vetëm mes qeverisë dhe institucioneve shqiptare. Ai propozon pjesëmarrjen e ekspertëve të Këshillit të Europës, si edhe kontributin e Komisionit Europian për Efiçencën e Drejtësisë.

“Tryeza jonë do të mirëpresë edhe pjesëmarrjen e ekspertëve të Këshillit të Europës, si edhe kontributin e Komisionit Europian për Efiçencën e Drejtësisë”, deklaron kryeministri.

Po ndodh...

16:35 SONDAZH

A ishte i drejtë vendimi i Hagës?

16:03 FJALEKRYQI

Skemë kinofjalëkryq 18 shtator

13:56 AKTUALITET

Largoi 950 mijë euro verë nga vila e kushëririt, Gjykata e Tiranës lë në burg Eno Agasin! Dosja kalon për kompetencë në SPAK

13:48 EKONOMI&SOCIALE

VËZHGIM/ Shqipëria e Edi Ramës, vendi më i varfër i Europës që e shet naftën 2.8 dollarë për litër

13:40 AKTUALITET

Humbje e madhe në familjen e deputetit socialist, rrëqeth me dedikimin për bashkëshorten: Nëna e fëmijëve të mi, dashuria ime sot na la

13:38 AKTUALITET

Ndryshime në Autoritetin e Sigurisë së Informacionit të Klasifikuar! Largohet Altin Jani, emërohet drejtori i ri

13:32 AKTUALITET

Tender me klientët e AKSHI-t, KQZ dyshohet se skualifikoi një kompani me shkak të sajuar, APP i bllokon procedurën dhe i kërkon prova zyrtare

13:23 BOTA

Polonia mbyll hapësirën ajrore, kryeministri Donald Tusk alarmon NATO-n

13:10 AKTUALITET

25-vjeçari rrëshqet aksidentalisht në lokal, transportohet me helikopter drejt Traumës

13:00 KOSOVA

Dënimi i ish-krerëve të UÇK-së nga Gjykata Speciale, protestuesit zbulojnë katër kërkesat: Shfuqizoni ligjin për Dhomat e Specializuara

12:44 AKTUALITET

Takimi sekret në Buenos Aires, mediat urugaiane: DEA paralajmëron përparimin e mafies shqiptare në rajon

12:32 AKTUALITET

‘Më ka dhunuar, përdhunuar’/ Rrëfimi dramatik i ish-bashkëshortes së dajës të Zegjine Çaushit në ‘Me zemër të hapur’: Nuk më ka lënë ta shoh djalin prej 2 vitesh

12:18 BOTA

E rëndë në një shkollë në Romë! Nxënësi sulmon mësuesen me sprej piper dhe thikë

11:57 MISTERE&KURIOZITETE

Rekord lagështie! Gushti shënon nivelin më të lartë të avujve të ujit në atmosferë

Dua të lexoj më shumë lajme