Lajme flash
Incidenti me portierin Audero, vjen dënimi i rëndë për tifozët e Interit
4 Shkurt 2026, 00:02 / SPORT
Qeveria italiane ka marrë masa të ashpra ndaj tifozëve të Interit pas incidentit të ndodhur gjatë ndeshjes së fundjavës në transfertë ndaj Cremonese.
Ministri i Brendshëm i Italisë, Matteo Piantedosi, ka firmosur një vendim që parashikon ndalimin e transfertave për tifozët e Interit deri më 23 mars 2026, si dhe ndalimin e shitjes së biletave për banorët e Lombardisë për të njëjtat takime.
Ky vendim vjen pas hedhjes së një fishekzjarri në stadium, e cila goditi portierin e Cremonese, Emil Audero, duke shkaktuar alarm dhe reagime të forta.
Sipas njoftimit të Viminales, masa është marrë për arsye sigurie: “Vendimi synon të garantojë mbrojtjen e rendit dhe sigurisë publike dhe të parandalojë përsëritjen e episodeve që mund të komprometojnë zhvillimin e rregullt të manifestimeve sportive”.
Megjithatë, nga këto masa përjashtohet derbi Milan–Inter i 8 marsit, pasi autoritetet kanë vlerësuar se në atë takim nuk do të ketë lëvizje tifozërish, duke qenë se ndeshja zhvillohet në të njëjtin qytet.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128