Lajme flash
Liverpool-i i sezonit të ri! Priten largime të rëndësishme por edhe afrime në “Anfield”
26 Mars 2025, 12:53 / SPORT
Liverpuli pritet të pësojë transformim në skuadër këtë merkato vere. Disa prej liderëve të ekipit mund të largohen, ndërsa drejtuesit e klubit të kuq po punojnë që të sjellin në Anfilld emrat ideal që do ta mbajnë ekipin konkurrues edhe për sezonin e ardhshëm.
Ky sezon që po mbyllet mund t’a gjejë Liverpool-in me boshllëqe të shumta në skuadër, pasi disa prej yjeve të ekipit priten të largohen këtë verë nga Anfield. I pari i cili duket se i ka thënë lamtumirë ‘të kuqve’ është mbrojtësi Trent Alexander-Arnold, që këtë verë 26-vjeçari përflitet se do të veshë fanellën e Real Madridit, si një lojtar i lirë, pasi kontrata e tij me klubin aktual përfundon këtë qershor.
Por ndërkohë ‘hemorragjia’ brenda skuadrës nuk përfundon këtu. Edhe dy liderët e ekipit, sulmuesi Salah dhe mbrojtësi Van Dijk priten të jenë gjithashtu largime të bujshme nga Liverpool-i. E sikur të mos mjaftonte kjo, drejt largimit janë edhe Darwin Nunez, Diogo Jota dhe Luis Diaz.
Këto largime të mundshme nga skuadra tashmë kanë filluar të shqetësojnë tifozët e kuq, të cilët kërkojnë që ekipi i tyre i zemrës të jetë sa më konkurrues.
Por nga ana tjetër, drejtuesit e Liverpool-it po punojnë në hyrje, për të sjellë në Anfield emra cilësorë.
Lojtarë si sulmuesi i Newcastle Alexander Isak, mbrojtësit Milos Kerkez e Jeremie Frimpong, si dhe mesfushori Brighton, Carlos Baleba janë disa prej emrave që në këtë merkato vere mund të veshin fanellën e kuqe. Trajneri Arne Slot po tenton të rifreskojë me emra të rinj. Kujtojmë që tekniku holandez mori drejtimin e skuadrës në fillimin e këtij edicioni dhe aktualisht është shumë pranë titullit në Premier League.
Po ndodh...
Edi Rama, një Caligula me smartphone në dorë!
Nga Irena Beqiraj
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128