Lajme flash
Liverpooli sakaton Manchester Cityn në Etihad, shkëputet me 11 në krye
23 Shkurt 2025, 21:31 / SPORT
Liverpooli ka arritur të marrë një fitore të pastër me rezultatin 0-2 në transfertë ndaj Manchester Cityt në kuadër të javës së 26-të në elitën e futbollit anglez.
Golin e epërsisë miqtë e gjetën që në minutën e 14-të të takimit përmes Mohamed Salah i cili me ndihmën e një devijimi nga Nathan Ake realizoi për 1-0.
Pas pësimit të golit, City nisi të marrë iniciativën duke dominuar në posedim të topit, por edhe duke arritur që të krijojë raste të pastra shënimi. Në fakt ata e gjetën golin në minutën e 31-të përmes Omar Marmoush, por që u anulua për pozicion jashtë loje.
Edhe tek goli i dytë i Liverpoolit protagonist ishte dyshja Szoboszlai-Salah në minutën e 37’, por kësaj radhe ishte egjiptiani që asistoi për hungarezin për rezultatin 2-0.
Në pjesën e dytë të besuarit e Arne Slot gjetën sërish rrjetën, këtë herë përmes Curtis Jones, por goli u anulua për pozicion jashtë loje.
Pavarësisht tentimeve të tyre për të ngushtuar rezultatin, City nuk arriti që të gjejë golin duke vazhduar kështu krizën e rezultateve këtë sezon.
Pas kësaj fitoreje Liverpooli shkon në kuotën e 64 pikëve dhe mban pozitën e parë në tabelë, +11 nga Arsenali i vendit të dytë, teksa City renditet në vendin e katërt me 44 pikë.
Dy ekipet do rikthehen në aksion sërish në mesjavë ku ‘Qytetarët’ do të luajnë në transfertë ndaj Tottenhamit ndërsa ‘Të Kuqtë’ ndaj Newcastle.
Po ndodh...
Fundi i një Lideri të fortë edhe njëkohësisht të dobët, si rasti Rama!
Nga Irena Beqiraj
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128