English
Luaj me Fjalëkryq
Lajme flash

Surprizat e “Topit të Artë”/ Fituesi Kane dhe favoritët e tjerë u “harruan” nga disa gazetarë

1 November 2026, 16:05 / SPORT ALFA PRESS
Surprizat e “Topit të Artë”/ Fituesi Kane dhe

Diskutimet për “Topin e Artë 2026” kthehet sërish në tëmën e ditës, pasi “France Football” zbuloi votimet e 100 gazetarëve nga e gjithë bota, bashkë me to edhe disa supriza të mëdha.

Trofeu u fitua nga Harry Kane. Sulmuesi anglez prej javësh përflitej si favorit kryesor bashkë me Kylian Mbappe dhe Lamine Yamal, por kishte nga ata, që nuk i kishin farë në llogaritë e tyre.

Përshembull, gazetarët që përfaqësonin Meksikën dhe Bregun e Fildishtë, duket se kishin parë një tjetër futboll gjatë vitit të fundit, pasi e lanë jashtë listës së votimit të tyre Harry Kane. Pra nuk i dhanë asnjë pikë sulmuesit anglez të Bayern Munich.

E çuditshme, por e vërtetë.

Por të njëjtin fat patën edhe dy yjet e tjerë të futbollit, që gjithashtu u prezantuan si pretendentë në ceremoninë që u zhvillua në Londër më 26 tetor.

Kështu, gazetarët që përfaqësonin Ukrainën, Greqinë dhe Skocinë nuk vlerësuan me asnjë pikë sulmuesin e Real Madrid. Ndoshta nuk e dinin që Mbappe ishte shënuesi më I mirë i “Botërorit 2026” dhe edicionit të fundit të Champions League.

Ky diskutim vlen më shumë për gazetarin e Greqisë, që përveç Mbappe la jashtë listës së tij të pikëve edhe Lamin Yamal. Për yllin e Barcelonës, fitues i La Liga dhe Botërorit të fundit nuk votuan gjithashtu gazetarët e Kroacisë, Kamerunit dhe Bjellorusisë.

Votimi për “Topin e Artë” bazohet në tre shtylla, performacën personale, atë me skuadrën dhe trofetë si dhe ndikimi në fushë dhe fair play. Por kjo nuk i pengon, gazëtarët sportivë votues të shtojnë edhe pëlqimet personale, ose si në rastin e fundit “inatet” e tyre.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128