"U dha informacion i njëanshëm"/ Sulmohet televizioni pro Vuçiç, një tjetër media publike kërkon falje për propagandën

Pas rrëzimit të pushtetit të Aleksandër Vuçiç, protestues kanë mësyrë në zyrat e televizionit serb ‘pro Vuçiç’, në “Informer TV”. Protestuesit thyen dyert dhe arritën të futeshin brenda.

Në zyrën e tij qëndronte pronari i televizionit Dragan J. Vucicevic së bashku me disa gazetarë, teksa po telefononte policinë për të ndërhyrë sa më parë. Sipas mediave serbe, Vucicevic ka telefonuar dhe kreun e Listës Studentore që triumfoi në zgjedhje, i cili iu përgjigj se nuk i besonte asnjë fjalë pas gënjeshtrave që televizioni i tij ka thënë ndër vite.

Rreth 20 anëtarë të turmës hynë me forcë në studio, duke u përballur me Vucicevicin dhe stafin e tij për disa minuta përpara se ai të nxirrej jashtë nga bashkëpunëtorët e tij. Më pas në ambientet e televizionit ka mbërritur policia duke nxjerrë jashtë dhe protestuesit.

Tabloidi dhe televizioni “Informer TV” kanë bërë një numër të madh komentesh përçmuese për kundërshtarët e regjimit të Vuçiçit, përfshirë lëvizjen studentore që ata e quajtën Ustashe (emri i fashistëve kroatë të Luftës së Dytë Botërore që vranë mijëra serbë).

Ndërkohë “RTV Vojvodina” e nisi dje edicionin informativ me një kërkim falje për të gjithë teleshikuesit për vitet e raportimit të njëanshëm.

Pasi shfaqi pamje nga festimet në Novi Sad pas fitores së Listës së Studentëve në zgjedhjet parlamentare të së dielës, prezantuesi Goran Eror tha se transmetuesi publik nuk kishte arritur t’u tregonte shikuesve disa nga skenat e natës së kaluar.

“Për shumë vite, transmetuesi publik dështoi të përmbushte rolin e tij. Gjërat u mbajtën të heshtura, u dha informacion i njëanshëm dhe raportimi ishte i pakritikueshëm. Nuk u bënë pyetjet e duhura, ose nuk u bënë fare pyetje. U detyrohemi shikuesve një falje për këtë“, lexoi Eror nga një deklaratë.

Ai tha se disa punonjës të RTV-së kishin luftuar që gazetarët dhe redaktorët të punonin lirisht dhe në përputhje me etikën profesionale, duke shtuar se kjo luftë kishte ardhur shumë vonë, por mbeti e rëndësishme.

Po ndodh...

09:02 BOTA

Studentët në Serbi nisin bisedimet për formimin e qeverisë pas fitores historike, lëvizja ende mbetet pa një lider konkret

08:39 POLITIKË

Pas disa refuzimeve, Rama ripërsërit ftesën për dialog për protestuesit

08:33 KOSOVA

Kuvendi i Kosovës miraton rezolutë për hetimin e vrasjes së Arlinda Zekajt dhe parandalimin e dhunës ndaj grave

08:22 EKONOMI&SOCIALE

Çfarë po ndodh me monedhat e huaja? Ja sa shitet dhe blihet euro dhe dollari për ditën e sotme

08:19 AKTUALITET

Kushte të qëndrueshme dhe vranësira kalimtare, parashikimi i motit për këtë të martë

08:01 JETË

Horoskopi Ditor E Martë 27 Tetor 2026

00:01 FJALEKRYQI

Skemë e lirë 27 tetor

23:53 SPORT

Ja kush e fitoi Topin e Artë 2026

23:45 SPORT

Ceremonia "Topi i Artë"/ U shpall kampion Bote me Spanjën, De La Fuente shpallet trajneri i vitit

23:27 AKTUALITET

Arrestohen 4 shqiptarë në Spanjë për kultivim kanabisi, sekuestrohen 220 kg marijuanë me vlerë 413 mijë euro

23:15 SPORT

“Topi i Artë, Kane para ceremonisë: I lumtur dhe entuziast njëkohësisht

22:45 SHOWBIZ

Ndahet nga jeta babai i ish-banorit të “Big Brother VIP”

22:32 POLITIKË

Pedagogia: Politika ka dështuar në forcimin e arsimit, rritet pakënaqësia ndaj politikanëve

22:13 BOTA

Kamala Harris u përgjigjet kritikëve të saj: Prioriteti është fitorja e demokratëve

Dua të lexoj më shumë lajme