English
Luaj me Fjalëkryq
Lajme flash

Ndezën zjarre për djegien e mbeturinave, por dogjën rreth 3 hektarë tokë, procedohen dy autorët

11 Shkurt 2024, 10:19 / AKTUALITET ALFA PRESS

Ndezën zjarre për djegien e mbeturinave, por dogjën rreth 3

Policia njofton se shtetasit me iniciale R.N. dhe M.K., kanë ndezur dy zjarre në njësinë Administrative Komsi, për djegien e disa mbeturinave, por flakët kanë dalë jashtë kontrollit dhe kanë shkrumbuar rreth 3 hektarë tokë me bimësi.

Drejtoria Vendore e Policisë Dibër apelon për qytetarët që në asnjë rast të mos ndezin zjarre, pasi ky veprim përbën krim dhe ndëshkohet penalisht.

Njoftimi i policisë:

Mat/Si rezultat i veprimeve të shpejta hetimore dhe procedurale, Policia identifikon 2 autorë zjarrvëniesh.

Ndezën 2 zjarre dhe shkaktuan djegien e rreth 3 hektarë tokë me bimësi, Policia nis procedimin penal për 2 shtetas.

Shërbimet e Komisariatit të Policisë Mat, pas njoftimit të marrë për dy vatra zjarri në njësinë Administrative Komsi, janë nisur menjëherë bashkë me shërbimet zjarrfikëse.

Si rezultat i veprimeve të shpejta hetimore dhe procedurale janë identifikuar të 2 autorët e këtyre zjarrvënieve dhe konkretisht;

Specialistët për Hetimin e Krimeve të këtij Komisariati, referuan materialet në Prokurori, ku nisi procedimi penal për veprën penale “Shkatërrimi i pronës me zjarr”, për shtetasit R.N.,  dhe M.K., të dy banues njësinë administrative Komsi,  pasi kanë ndezur zjarre për djegien e disa mbeturinave, dhe si pasojë e përhapjes së flakëve, janë djegur rreth 3 hektarë tokë me bimësi.

Drejtoria Vendore e Policisë Dibër apelon për qytetarët që në asnjë rast të mos ndezin zjarre, pasi ky veprim përbën krim dhe ndëshkohet penalisht. Gjithashtu, i fton ata që të denoncojnë në numrin 112, çdo rast të tillë, me qëllim ndërhyrjen e menjëhershme për shuarjen e flakëve dhe për procedimin penal të shtetasve përgjegjës.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128