Lajme flash
Bullgaria do përdorë euro-n nga janari 2026, qytetarët shprehin dyshimet e tyre
28 Dhjetor 2025, 13:30 / BOTA
Më 1 janar 2026, Bullgaria do të bëhet vendi i 21-të që do të përdorë euron si monedhë zyrtare.
Megjithatë, një pjesë e mirë e qytetarëve shprehin shqetësime se ky hap mund të çojë në rritje të çmimeve dhe të përkeqësojë paqëndrueshmërinë në vendin më të varfër të Bashkimit Evropian.
Mbështetësit e kësaj mase argumentojnë se adoptimi i euros do të nxisë ekonominë, do të forcojë lidhjet me Perëndimin dhe do të mbrojë vendin nga ndikimi rus.
Vendi i fundit që iu bashkua euros ishte Kroacia në vitin 2023, ndërsa monedha e përbashkët u prezantua për herë të parë më 1 janar 2002 në 12 shtete.
Sipas anketës së fundit të Eurobarometrit, 49% e bullgarëve janë kundër euros. Pas hiperinflacionit të viteve 1990, Bullgaria kishte lidhur monedhën e saj me markën gjermane dhe më pas me euron, duke e bërë vendin të varur nga Banka Qendrore Evropiane.
Anëtare e Bashkimit Evropian që nga viti 2007, Bullgaria hyri në të ashtuquajturën “dhomë pritjeje” për adoptimin e euros në vitin 2020, në të njëjtën kohë me Kroacinë.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128