Lajme flash
Regjisori që "denoncoi" komplotin! Oliver Stone dëshmon mbi atentatin ndaj John F. Kennedy
31 Mars 2025, 13:23 / BOTA
Regjisori amerikan Oliver Stone do të dëshmojë në një seancë dëgjimore të martën në Dhomën e Përfaqësuesve të SHBA-së mbi vrasjen e John F. Kennedy.
Pas premtimit te Trump gjatë fushatës se do të sigurojë më shumë transparencë për vrasjen e Presidentit, Administrata ka marr përsipër zbardhjen e ngjarjes.
Për këtë do të analizohen dhe publikohen të gjitha dokumentet rreth çështjes. Përfaqësuesja Anna Paulina Luna, kryetare e Task Forcës për Deklasifikimin e Sekreteve Federale, tha se:
“Duke hetuar dosjet e sapo publikuara të JFK-së, duke u konsultuar me ekspertë dhe duke gjurmuar stafin e mbijetuar të komiteteve të ndryshme hetimore, grupi i punës do të arrijë në fund të këtij misteri dhe do të ndajë gjetjet me popullin amerikan”.
Pjesëmarrja e Oliver Stonne si dëshmitar lidhet me rolin e tij si regjisor i filmit “JFK”, i cili sfidoi versionin zyrtar të vrasjes së Presidentit Kennedy.
Ai tregon se vrasja e tij ka qenë një komplot i nivelit të lartë.
Ndërsa vrasja e presidentit Kennedy i është atribuar vetëm një personi të vetëm, Lee Harvey Oswald, Stone ka pretenduar më herët se Kennedy nuk u vra nga një vrasës i vetëm dhe beson se disa pjesëtarë të komunitetit të inteligjencës amerikane ishin të përfshirë.
Sipas disa sondazheve të bëra tregojnë se shumë amerikanë besojnë se vrasja ishte rezultat i një komploti. Gjithashtu, të martën dëshmojnë gazetari dhe autori Jefferson Morley dhe autori James DiEugenio.
Po ndodh...
Rama-Meta, si aleanca e 1 Prillit zhbëri Shqipërinë
Nga Namir Lapardhaja
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128