Dyshohet se lejuan ndërtimin e godinës 5-katëshe pa leje në Himarë, procedohen drejtuesit e komisariatit. Dy të ndaluar dhe dy në kërkim

Katër punonjës të Policisë së Shtetit janë proceduar nga Agjencia e Mbikëqyrjes Policore (AMP) për veprën penale “Shpërdorimi i detyrës”, në lidhje me rastin e ndërtimit të objektit pesëkatësh pa leje në Himarë, i cili u shemb nga IKMT.

Sipas AMP-së, nga hetimet e deritanishme rezulton se në këtë rast është përfshirë zinxhiri komandues i strukturave policore të Komisariatit të Policisë Himarë. Dy prej punonjësve janë ndaluar, ndërsa dy të tjerë janë shpallur në kërkim.

“Njoftim për shtyp. Pas ngjarjes së ndërtimit të një objekti pa leje në Himarë 5 katësh, i cili u shemb nga IKMT dhe veprimet e para proçedurale u kryen nga Policia e Shtetit dhe arrestuan në flagrancë poseduesin e ndërtesës.

Agjencia e Mbikëqyrjes Policore vijon veprimet hetimore për dokumentimin e plotë të përgjegjësive të punonjësve të Policisë së Shtetit të përfshirë në këtë rast, ku konkretisht;

Nga hetimet e kryera deri më tani, rezulton se në këtë ngjarje është përfshirë zinxhiri komandues i strukturave policore të Komisariatit të Policisë Himarë, konkretisht janë katër punonjës të Policisë së Shtetit, ndaj të cilëve po procedohet për veprën penale “Shpërdorimi i detyrës”, neni 248 i Kodit Penal.

Emiljano Prenga, me detyrë Shef i Krimeve në Volum, Komisariati i Policisë Divjakë, më parë Shef i Krimeve në Volum, Komisariati i Policisë Himarë, i ndaluar.

Klodian Petani, me detyrë Specialist i Hetimit të Krimeve, Komisariati i Policisë Vlorë, më parë Specialist i Hetimit të Krimeve, Komisariati i Policisë Himarë, i ndaluar.

Ferit Merkaj, me detyrë Shef i Seksionit të Trafiqeve, DVP Vlorë, më parë Shef i Komisariatit të Policisë Himarë, i shpallur në kërkim.

Redin Çaushaj, me detyrë SPZ, Komisariati i Policisë Himarë, i shpallur në kërkim.

Në vijim të veprimeve procedurale, dy prej punonjësve të shpallur në kërkim janë paraqitur dhe janë ndaluar me iniciativë, ndërsa dy punonjësit e tjerë nuk janë gjetur në banesat e tyre dhe, pavarësisht njoftimeve ende nuk janë paraqitur pranë strukturave përkatëse.

Për dy punonjësit e tjerë janë kryer procedurat për shpalljen e tyre në kërkim.

AMP vijon veprimet hetimore për zbardhjen e plotë të rrethanave të rastit dhe dokumentimin e përgjegjësive ligjore”, shkruhet në njoftim.

Po ndodh...

08:54 AKTUALITET

Zjarri në Krujë/ Riaktivizohet një vatër në Abazë, lirohet personi i arrestuar për zjarrvënien

08:36 BOTA

U gjet i vrarë, me shenja dhune dhe i mbyllur brenda makinës së shërbimit/ Mbetet mister vdekja e policit 38-vjeçar në Athinë

08:20 EKONOMI&SOCIALE

Çfarë po ndodh me monedhat e huaja? Ja sa shitet dhe blihet euro dhe dollari për ditën e sotme

08:15 AKTUALITET

Kushte atmosferike të qëndrueshme dhe temperatura të larta, parashikimi i motit për këtë të Martë

07:59 JETË

Horoskopi Ditor E Martë 11 Gusht 2026

00:02 FJALEKRYQI

Skemë e lirë 11 gusht

23:55 POLITIKË

Ibri ndez përplasjen Tiranë-Beograd/ Rama i kthehet Vuçiç: Serbia e humbi Kosovën! Nuk kemi nevojë për ‘Shqipërinë e Madhe’

23:34 BOTA

Kosova në planin e Farage për burgjet britanike: Kriminelët do t’i dërgojmë atje

23:19 SPORT

Ndryshim plani për yllin e Real Madrid, Mourinho merr vendimin për të ardhmen e brazilianit

23:04 POLITIKË

Vuçiç sfidon Tiranën pas reagimit për Ibrin: Çfarë lidhjeje ka Shqipëria?

22:49 KOSOVA

Marrëveshja e heshtur Zelensky–Vuçiç, mediat gjermane: Kosova sakrifikohet për interesa strategjike

22:44 BOTA

Zuckerberg sfidon kampionin e UFC-së, drejtuesi i Meta-s përfundon në mes të liqenit

22:28 POLITIKË

VIDEO/ Protesta nuk ndalet në ditën e 72-të, vijon marshimi i madh në Tiranë: Shqipëri-Dardani jemi një!

22:16 AKTUALITET

Dy net pas zjarrit të madh, Kruja sërish në alarm/ Flakët përfshijnë zonën e Halilit, kërcënohen banesat

Dua të lexoj më shumë lajme