Lajme flash
Eksportet rriten drejt Gjermanisë dhe Greqisë, bien drejt Italisë dhe Kosovës
21 Shkurt 2026, 11:14 / EKONOMI&SOCIALE
Në muajin janar tregtia e jashtme e mallrave u karakterizua nga rritje e eksporteve drejt Gjermanisë dhe Greqisë, ndërsa u shënua rënie e tyre drejt Italisë dhe Kosovës, krahasuar me të njëjtën periudhë të një viti më parë.
Sipas të dhënave zyrtare, në janar 2026, vendet me të cilat Shqipëria ka pasur uljen më të madhe të eksporteve, krahasuar me janarin e 2025, janë Italia me 3,6% dhe Kosova me 2%.
Italia mbetet partneri kryesor tregtar i vendit, ndaj çdo luhatje në këtë treg reflektohet ndjeshëm në totalin e eksporteve.
Nga ana tjetër, rritjen më të madhe të eksporteve Shqipëria e ka shënuar drejt Gjermanisë me 30,2% dhe Greqisë me 31,8%, duke sinjalizuar një zgjerim të pranisë së produkteve shqiptare në tregjet e Bashkimit Europian dhe një orientim më të fortë drejt ekonomive të mëdha të bllokut.
Sa i takon importeve, ulja më e madhe është regjistruar sërish me Italinë me 10,3% dhe Greqinë me 3,3%, çka tregon një tkurrje të furnizimeve nga këto tregje krahasuar me një vit më parë.
Ndërkohë, rritja më e madhe e importeve është shënuar nga Turqia me 13,5% dhe Kina me 1,8%.
Në planin e përgjithshëm, shkëmbimet tregtare me vendet e Bashkimit Europian zënë 55,4% të tregtisë totale të Shqipërisë. Në janar 2026, eksportet drejt vendeve të BE-së përbëjnë 74,1% të eksporteve gjithsej, ndërsa importet nga vendet e BE-së zënë 46,8% të importeve totale.
Po ndodh...
ide
Do ta kërkoni (Bashën), Vlorën Gjeneral
Nga Ermal Peçi
Mesazhet për Rama&Berisha dhe një akti i McAllister në Tiranë
Nga Roland Lami
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128