Lajme flash
Ekzekutohet biznesmeni i njohur në Bullgari, pronari i Botev Plovdiv qëllohet për vdekje me plumb në kokë
30 September 2026, 10:42 / BOTA
Biznesmeni i njohur bullgar Ilian Filipov është qëlluar për vdekje me armë zjarri në qytetin e Plovdivit, në Bullgari. Sipas raportimeve paraprake, Filipov është qëlluar në kokë dhe ka humbur jetën në vendngjarje.
Ministria e Brendshme Bullgare njoftoi se rreth orës 01:00 kishte marrë një telefonatë për një person të plagosur me armë zjarri në një zonë të qytetit. Forcat e policisë mbërritën në vendngjarje, ku konfirmuan vdekjen e tij dhe nisën hetimet për zbardhjen e rrethanave të vrasjes.
Filipov ishte themelues dhe drejtor ekzekutiv i PIMK, kompanisë më të madhe të transportit në Bullgari, e cila renditet ndër kompanitë më të mëdha të sektorit në Evropë.
Ai ishte gjithashtu një figurë e njohur në futbollin bullgar, pasi kishte drejtuar si president klubin Botev Plovdiv. Emri i tij ishte i lidhur edhe me projektin e rindërtimit të stadiumit “Hristo Botev”.
Deri më tani, autoritetet nuk kanë bërë të ditur motivin e mundshëm të vrasjes dhe nuk ka informacion zyrtar për autorët e dyshuar.
Pas lajmit për vdekjen e tij, Botev Plovdiv reagoi përmes një deklarate në rrjetet sociale, duke vlerësuar kontributin e Filipovit për klubin dhe veçanërisht rolin e tij në përfundimin e rindërtimit të stadiumit “Hristo Botev”.
“Ilian Filipov do të mbetet përgjithmonë pjesë e historisë së Botev Plovdiv. Kontributi i tij në shpëtimin e klubit dhe përkushtimi ndaj idesë ‘verdhezi’ do të mbeten të paharrueshme”, thuhet në deklaratën e klubit, i cili e mbylli mesazhin me fjalët: “Përulemi para kujtimit të tij”.
Po ndodh...
Rrethimi i Ramës dhe Berishës nga SPAK!
Nga Ermal Peçi
ide
Dashuri në kohën e kolerës, në shtetin e Ramës!
Nga Ermal Peçi
Edi Rama po e keqpërdor Kosovën si lavatriçe për hallet e tij
Nga Enver Robelli
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128