FLASH NEWS
Altin Dumani rendit problematikat në KLP: Shqyrtimi i seancave paraprake të mos zgjatet me muaj, rritet afati i paraburgimit! E njëjta situatë me gjykimin e shkurtuar
2025-04-14 12:11:56 / AKTUALITET
Kreu i SPAK, Altin Dumani ishte sot në KLP ku prezantoi Raportin vjetor për vitin 2024 të institucionit që drejton.
Një prej problematikave që ngriti Dumani pas leximit të raportit vjetor ishte dhe zgjatja e shqyrtimeve të kërkesave të prokurorëve në seancat paraprake.
Si procedurë shqyrtimi në seancë paraprake duhet të mbyllje brenda muajit, ndërsa sipas Dumanit kjo zgjatet me muaj deri në 1 vit. Kjo sjell problematika më pas dhe në zgjatjen e afatit të paraburgimit të personave në hetim.
Të njëjtën problematikë Dumani e ngriti edhe për zgjatjen e afatit të gjykimit të shkurtuar.
Dumani: Është një volum i madh pune për përfaqësimin e çështjeve në seanca gjyqësore. Një ndër arsyet është dhe kjo arsyeja e shtyrjeve të seancave gjyqësore. Një shqetësim që ngre, është shqyrtimi përpara gjyqtarit i seancës paraprake, shqyrtimi i kërkesës së prokurorit merr shumë kohë.
Praktika në Prokurorinë e Posaçme tregon se çështjet në seancë paraprake zgjasin 4 muaj, 6 muaj, ka patur edhe 12 muaj. Sipas parashikimeve duhej përfunduar brenda muajit. Kjo zgjatje e shqyrtimit të kërkesës së prokurorit sjell problematika për afatin e paraburgimit. E njëjta situatë me gjykimin e shkurtuar. Aplikimi kërkon kohë, tashmë zgjat më shumë se sa zgjaste para ndryshimeve në 2017. Duhet të shkosh në seanca paraprake, pastaj do kalosh në gjykimin me themel, zgjatet koha e trajtimit të çështjes edhe pse jemi para gjykimit të shkurtuar.
Happening now...
Why have all the corrupt gathered together against Lulzim Basha?
Nga Namir Lapardhaja
ideas
top
Alfa recipes
TRENDING 
services
- POLICE129
- STREET POLICE126
- AMBULANCE112
- FIREFIGHTER128