DETAJET/ Për pesë vite mori 16 leje, herën e fundit “u zhduk”, dyshohet se Alket Rizai ka kaluar kufirin dhe fshihet në Shqipëri

Prej katër ditësh, autoritetet greke po vijojnë intensivisht kërkimet për të dënuarin Alket Rizai, i cili që pas një incidenti të ndodhur në fundjavën që lamë pas, ka humbur gjurmët në mënyrë mistershme. Teksa kërkimet për Rizain janë zgjeruar më tej, dyshimet janë se ai mund të ketë lëvizur në Shqipëri.

Gjurmët më të fundit të Rizait, sipas hetimeve të deritanishme thuhet se janë në Greqinë Veriore, nga ku dyshohet se ai mund të kishte kaluar në Shqipëri në mënyrë të paligjshme. Megjithatë, deri më tani akoma nuk ka pasur detaje të qarta se ku fshihet Rizai prej më shumë se katër ditësh.

Siç kemi raportuar dhe më parë, Rizai rezultoi se kishte marrë leje dhe ai duhej të ishte rikthyer në burgun e Domokos në orën 8 të mëngjesit të të hënës, por ai nuk u paraqit kurrë, duke ngritur “në këmbë” autoritetet greke.

Ajo që bie më së shumti në sy është fakti se Rizai mësohet se brenda pesë viteve të fundit prapa hekurave, kishte marrë leje 16 herë në total dhe thuhet se është rikthyer gjithmonë brenda afatit duke mos shkaktuar probleme apo dyshime për autoritetet vendase.

Mirëpo leja e fundit, 5 ditore, nuk rezultoi aq e “suksesshme” sa të tjerat. Pas dyshimeve se ai së bashku me grupin e tij janë përfshirë në një incident të përgjakshëm në një lokal, Rizai ka humbur gjurmët në mënyrë të mistershme.

Shqiptari i dënuar dyshohet të ketë shkuar në makinën e tij me anëtarët e grupit të tij, ku ka ndezur muzikën me zë të lartë. Për shkak të zhurmës, pronari i biznesit ka dalë dhe i ka bërë vërejtje, e më tej debati mes tyre agravoi deri në përdorimin e armës. 

Sipas të njëjtave burime, Alket Rizai dyshohet se nxori një armë dhe thuhet se qëlloi, ndoshta në ajër. Po ashtu bëhet me dije se në konflikt është përfshirë një shtetas afgan, që thuhet se ishte i punësuar si roje plazhi,  i cili raportohet të ketë qëlluar në drejtim të Rizait. Përplasja mes tyre ka lënë pas dy të plagosur, një grek 20-vjeçar dhe një pakistanez 41-vjeçar, rojen e plazhit.

Në lidhje me këtë ngjarje raportohet se është vënë në pranga pronari 41-vjeçar i barit në plazh i cili akuzohet për dëshmi të rreme, strehim të një krimineli, pengim të drejtësisë dhe nxitje për posedim dhe përdorim të paligjshëm të armës. Bashkë me të u prangos edhe gruaja e tij 39-vjeçare, me akuzën e dëshmisë së rreme dhe nxitje për posedim dhe përdorim të paligjshëm të armës.

Ndërsa prej mëngjesit të së hënës po vijojnë kërkimet për lokalizimin dhe arrestimin e Alket Rizait.

Po ndodh...

13:03 POLITIKË

Gjykata e Tiranës liron protestuesit e arrestuar pas tubimit të së hënës

12:59 AKTUALITET

GJKKO i përgjigjet Dhomës së Avokatisë: Ndalimi i telefonave në sallë, masë rendi dhe sigurie. Zbatojeni, ose ndiqni rrugët ligjore!

12:51 AKTUALITET

Kontrolle blic në burgun e Peqinit, gjendet celular në sendet personale të një të burgosuri

12:39 POLITIKË

Protesters overturn garbage bins in front of the DP headquarters

12:28 BOTA

Serious in Italy/ Minister of Education receives threatening envelope with a bullet inside,

12:23 POLITIKË

Tensions near the Parliament, protesters attempt to break the police cordon. 3 people are being escorted

12:00 POLITIKË

E uroi për look-un e ri, Zegjine Çaushi shpërthen ndaj Redi Muçit: O psikopat, na hape barkun

11:55 POLITIKË

Kryemadhi confronts protesters outside GJKKO: Get organized, because you have nothing on the line!

11:51 POLITIKË

Tensions in front of the Ministry of Interior! Protesters throw toilet paper at the police, one escorted

11:41 POLITIKË

“Balluku me vila të arreduara sipas modës, ju s’i hiqni imunitetin”, Muçi ironizon në seancë: Urime Zegjine për look-un

11:30 POLITIKË

Citizens 'siege' Tirana! They throw eggs and station themselves on the boulevard

11:29 BOTA

Italy abolishes vehicle tax for small and medium-sized cars and motorcycles

11:13 POLITIKË

The Hague condemned the former leaders of the KLA, Tritan Shehu called on the Parliament: Let's put the Resolution on the Serbian genocide in Kosovo on the agenda today, an urgent matter!

11:05 POLITIKË

Plenary session begins with sentencing of former KLA leaders, Peleshi: A painful decision for our national history

Dua të lexoj më shumë lajme