FLASH NEWS
Musaka me presh dhe beshamel në furrë nga zonja Albana
2025-02-23 08:25:02 / RECETA ALFA
Musaka me presh
Përbërësit:
3-4 presh të mëdhenj
400 gr mish i grirë
1 qepë mesatare
2 thelpinj hudhër
2 lugë gjelle vaj ulliri
1 domate / 2 lgj salcë domatesh
½ lugë çaji kripë
½ lugë çaji piper i zi
½ lugë çaji rigon ose trumzë
1 lugë çaji spec i kuq pluhur
50 ml verë e bardhë (opsionale)
Për beshamelin:
500 ml qumësht
2 lugë gjelle gjalpë
2 lugë gjelle miell
1 kokërr vezë
Kripë dhe arrëmyshk sipas shijes
Djathë kaçkavall i grirë
Përgatitja:
Presim preshin në rrathë dhe e vendosim të ziejë në ujë me pak kripë për 5-7 minuta. E kullojmë mirë dhe e lëmë mënjanë. Në një tigan, ngrohim vajin e ullirit dhe kaurdisim qepën dhe hudhrën. Shtojmë mishin e grirë dhe e gatuajmë derisa të marrë ngjyrë. Hedhim domaten e grirë, verën e bardhë, erëzat dhe e përziejmë mirë. E lëmë të ziejë për 10-15 minuta derisa të avullojë lëngu i tepërt. Ndërkohë përgatisim beshamelin duke kaurdisur pak miell me gjalpë. E përziejmë vazhdimisht duke shtuar qumështin gradualisht, pa ndaluar me përzierjen që të mos krijohen kokrriza. Shtojmë pak kripë, arrëmyshk dhe në fund vezën e rrahur, duke e përzier shpejt. Në fund shtojmë djathin kaçkavall të grirë dhe e përziejmë derisa të shkrihet. Në një tavë pjekjeje, montojmë musakanë, vendosim një shtresë presh, më pas mishin e gatuar dhe përsëri një shtresë presh. Sipër hedhim beshamelin, e përhapim në mënyrë të njëtrajtshme dhe e vendosim tavën në pjekje në furrë të parangrohur në 180°C për 30-35 minuta, derisa të marrë një ngjyrë të artë.
-
Temperatura të ulta, njihuni me parashikimin e motit për sot
23 Shkurt, 08:19 -
-
Horoskopi ditor për sot, e Diel 23 Shkurt 2025
23 Shkurt, 07:59
Happening now...
Fundi i një Lideri të fortë edhe njëkohësisht të dobët, si rasti Rama!
Nga Irena Beqiraj
ideas
Russophile "sovereignists"
Nga Erl Kodra
How to catch the biggest fish!
Nga Vincent W.J. Van Gerven Oei
top
Alfa recipes
TRENDING 
services
- POLICE129
- STREET POLICE126
- AMBULANCE112
- FIREFIGHTER128