Incidenti që alarmoi krahun lindor të NATO-s, një dron hyri nga Rumania dhe shpërtheu pranë kufirit

Një dron ende i paidentifikuar shpërtheu të shtunën mbi Bullgari, pranë kufirit me Rumaninë, njoftuan autoritetet.

Sipas kryeministrit bullgar Rumen Radev, droni hyri në hapësirën ajrore të Bullgarisë nga Rumania dhe shpërtheu rreth 1,000 metra larg një stacioni kompresor të gazsjellësit Trans-Ballkanik, pranë ish-pikës kufitare Kardam, mes dy vendeve.

“Zhurma e shkaktuar nga droni u pikas nga policia kufitare rumune dhe më pas u dëgjua një shpërthim i fuqishëm nga patrulla e policisë kufitare ‘General Toshevo’”, tha ai në një konferencë për mediat.

Ai shtoi se “vendndodhja e shpërthimit të dronit u identifikua menjëherë” dhe konfirmoi se nuk pati viktima apo dëme në ndërtesa dhe infrastrukturë.

Kryeministri tha se autoritetet bullgare dhe rumune nuk arritën ta zbulonin dronin teksa ai kalonte në hapësirat e tyre ajrore. Sipas tij, tashmë do të shtohen operacionet e vëzhgimit në rajon.

Sipas deputetit të opozitës, Ivaylo Mirchev, Kardam është një nga pikat kryesore të Korridorit Vertikal të Gazit, një rrugë strategjike për transportin e gazit natyror të lëngshëm nga Greqia drejt Evropës Juglindore dhe Qendrore. Korridori lidh Greqinë, Bullgarinë, Rumaninë, Hungarinë, Sllovakinë, Moldavinë dhe Ukrainën.

Ky incident vjen pasi forcat rumune rrëzuan tre dronë në hapësirën e tyre ajrore brenda vetëm tri ditësh, në fund të korrikut. Zyrtarët rumunë kanë thënë se të paktën një prej këtyre dronëve është identifikuar si i tipit Shahed, i përdorur nga forcat ruse.

Rumania dhe Bullgaria ndodhen në krahun lindor të NATO-s, në kufi me Detin e Zi, dhe përballen me sfida të shtuara të sigurisë lidhur me luftën e Rusisë në Ukrainë, e cila nisi pas pushtimit në shkallë të gjerë të vendit nga Moska në shkurt 2022.

Në muajt e fundit, Rumania ka përjetuar një rritje të incidenteve dhe shkeljeve të hapësirës së saj ajrore nga dronët, duke rritur tensionet në rajon dhe duke nxitur solidaritet të gjerë nga zyrtarët e BE-së.

Në maj, një dron rus i pajisur me eksplozivë u rrëzua mbi një pallat banimi në Galați të Rumanisë, duke shkaktuar zjarr në çati dhe plagosur dy persona.

Muajin pasues, një dron detar ukrainas shpërtheu gjithashtu në portin rumun të Konstancës. Ushtria ukrainase tha se droni kishte devijuar nga kursi për shkak të ndërhyrjeve të luftës elektronike ruse.

Presidentja e Komisionit Evropian, Ursula von der Leyen, i ka cilësuar incidente të tilla si “pasojë e drejtpërdrejtë e luftës së Rusisë kundër Ukrainës”.

Po ndodh...

15:00 FJALEKRYQI

Schema libero 8 agosto

14:52 FJALEKRYQI

Schema libero 8 agosto

13:52 SPORT

Ndahet nga jeta në moshën 68-vjeçare babai i Lionel Messit

13:40 POLITIKË

Berisha nuk shkon në protestë, justifikon mungesën: Po të mos ishte qytetare, do të isha aty çdo natë

13:11 KOSOVA

U godit me vezë, Kurti surprizon me reagimin: Jam i lumtur! Ky është çmimi që duhet të paguaj

12:54 AKTUALITET

Emrat/ Zbardhen detajet e sherrit me brisqe në burgun e Fierit, i plagosur edhe Denis Bajri

12:53 KOSOVA

Vezë, tension dhe bllokim/ Kosova mbetet sërish peng e ngërçit, ndërpritet seanca

12:42 KOSOVA

PLAS SHERRI në Kuvendin e Kosovës, deputetja e Aleancës sulmon me vezë Albin Kurtin

12:27 POLITIKË

Aeroporti i Vlorës, përplasja merr tjetër kthesë/ Pacolli sfidon Ramën: Do publikojmë emrat dhe dokumentet!

12:16 POLITIKË

Protesta kundër ndarjes territoriale, ish-kandidati socialist sulmon Ramën: Tradhtar i Shqipërisë! Ju kërkoj ndjesë që ju kërkova votën

12:06 KOSOVA

Pritje, heshtje dhe sallë bosh/ Çfarë po ndodh me seancën konstituive në Kosovë?

12:01 KOSOVA

“Kurti dhe Haxhiu ia dogjën Kosovës afatin kushtetues”/ Haradinaj: Kemi hyrë në një situatë të rrezikshme

11:48 AKTUALITET

Sherr në burgun e sigurisë së lartë në Fier, dy të burgosur përfundojnë të plagosur

11:44 BOTA

Pentagoni akuzon ish-shefin e Forcave Ajrore për zbulim sekretesh shtetërore

Dua të lexoj më shumë lajme