English
Luaj me Fjalëkryq
Lajme flash

26-vjetori i masakrës në Tërnje të Therandës, Kurti: Gjaku i dëshmorëve është në themelet e Republikës

25 Mars 2025, 13:56 / KOSOVA ALFA PRESS

26-vjetori i masakrës në Tërnje të Therandës, Kurti:

Në përvjetorin e 26-të të masakrës në Tërnje të Therandës, kryeministri i Republikës së Kosovës, Albin Kurti, nderoi të rënët dhe vendosi kurora me lule të freskëta pranë varrezave të atyre që u vranë barbarisht nga forcat serbe.

Kurti theksoi se gjaku i dëshmorëve është në themelet e Republikës së Kosovës.

“Ne përkulemi me nderim dhe gjithashtu me mirënjohje të thellë, e me falënderim të përzemërt për të gjithë ata që dhanë kontributin e tyre për lirinë e popullit tonë, për çlirimin e Kosovës.

Gjaku i dëshmorëve është në themelet e Republikës dhe tani na mbetet një pjesë më e vogël e punës, por e rëndësishme, që ta forcojmë shtetin tonë, ta forcojmë shtëpinë e popullit, në mënyrë që brezave të ardhshëm kurrë të mos iu bie të vuajnë, të kenë dhembje apo të përjetojnë humbjet që ne kemi kaluar.

Në mënyrë të veçantë, një respekt i posaçëm për nënat shqiptare që rritën bijat dhe bijtë e tyre, që jo vetëm ishin qytetarë të dinjitetshëm të Republikës, por gjithashtu luftëtarë të mëdhenj për lirinë e popullit. Lavdi të gjithë dëshmorëve e martirëve të kombit! Lavdi të të gjithë atyre që dhanë jetën dhe u flijuan për lirinë e popullit, duke përfshirë ata që u flijuan nga fshati juaj, Tërnje,” tha ai.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128