English
Luaj me Fjalëkryq
Lajme flash

Doli më i votuari në "Primare", deputeti i PD Bledion Nallbati me Park energjie 10 milionë euro në Devoll dhënë nga vetë Rama!

4 Mars 2025, 12:45 / POLITIKË ALFA PRESS

Doli më i votuari në "Primare", deputeti i PD Bledion

Deputeti i PD, Bledion Nallbati, gjatë takimeve elektorale me diasporën në SHBA, Itali e Greqi, përsëriti betimin e Sali Berishës, se qeveritarëve të PS dhe oligarkëve e mafiozëve të lidhur me ta, do t’u sekuestrohen pasuritë që kanë vjedhur e do t’i rikthehen popullit.

Ditën e hënë, kryeministri Edi Rama promovoi me video speciale, investimin e parkut të energjisë foto-voltaike në Devoll; në mometin kur Sali Berisha doli nga SPAK dhe bëri betimin, se bandës së narkoshtetit të Edi Ramës dhe hajdutëve që kanë përfituar në pazare me të, do t’u merret çdo qindarkë e çdo pasuri që kanë vjedhur.

Nuk e dimë, nëse Edi Rama e publikoi videon qëllimisht, si sinjal kujtese e hipokrizie për Sali Berishën, por sipas dokumenteve zyrtare, rezulton se ortak te Parku i Energjisë Foto-voltaike në fshatin Tren të Devollit, është deputeti i PD, Bledion Nallbati, ish-kryebashkiak i Devollit./ (Videoja në fund të artikullit)

Ai ka 36% pronësi të këtij parku energjetik, maskuar nën emrin e babait, Tomor Nallbati, ndërsa 64% të pronësisë e ka Isuf Berberaj, lindur e banues në Fier.

Këtë park energjie, deputeti Bledion Nallbati dhe Isuf Berberaj e kanë me emrin “Sun Beat System sh.p.k”..

Kompania e parkut të energjisë në Devoll, u krijua në datën 14 gusht 2019, ose 20 ditë pasi Bledion Nallbati iku nga detyra e kryetarit të bashkisë Devoll, ndërsa kur ishte kryetar i dha tokën shtetërore 50 hektarë.

Në datën 21 dhjetor 2019, ose 5 muaj pasi deputeti i PD, Bledion Nallbati, kishte ikur nga detyra, babai i tij, Tomor Nallbati, bleu 36% aksione të kompanisë “Sun Beat System sh.p.k” të parkut energjetik të Devollit, me çmim 100 mijë lekë të reja, kur kapitali themelimit ishte 30 milionë lekë të reja, ndërsa vlera e investimit është afro 10 milionë Euro.

Ndërsa në datën 26 maj 2021 dhe në datën 15 shkurt 2024, pjesën 64% e bleu shtetasi Isuf Berberaj me çmim 29 milionë lekë të reja, ose 288 herë me lirë se babai i deputetit të PD, Bledion Nallbati; por në QKB, babait të tij, aksionet e blera me 100 mijë lekë, i janë shënuar si kapital me vlerë afro 1.1 milionë lekë të reja.

Doli më i votuari në "Primare", deputeti i PD Bledion

Parku energjetik foto-voltaik, deputetit të Saliut i është dhënë me vendim të kryeministrit Edi Rama, ndërsa në datën 21 korrik 2022, Enti Rregullator i Energjisë, me Vendim nr. 193 i dha Licencën Nr. 519, Seria P22, për prodhim e shitje energjie elektrike deri në vitin 2047.

Edhe ky rast, vërteton se krerët e PD dhe të PS, janë aq shumë të mpleksur në pazare e interesa të pista, sa bashkë ndajnë pasuritë shtetërore e koncesionet, ku patrojnë milionat e vjedhura, ndërsa në parlament e media, bëjnë teatër duke akuzuar njeri-tjetrin si hajdutë.

Madje vetë deputeti i PD, Bledion Nallbati, gjatë takimeve elektorale me diasporën në SHBA, Itali e Greqi, përsëriti betimin e Sali Berishës, se qeveritarëve të PS dhe oligarkëve e mafiozëve të lidhur me ta, do t’u sekuestrohen pasuritë që kanë vjedhur e do t’i ri-kthehen popullit.

Të njëjtën gjë, deputeti ka thënë dhe gjatë takimeve në zonën elektorale të Devollit e Korçës, prandaj demokratët besnikë e besuan dhe i dhanë më shumë vota në primaret e PD, që ai të vazhdojë të jetë deputet dhe të luftojë korrupsionin./Pamfleti

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128