Lajme flash
Lulzim Basha dënon vendimin për moslejimin e Hashim Thaçit në varrimin e babait të tij
17 Mars 2025, 23:26 / POLITIKË
Drejtuesi politik i Koalicionit Euroatlantik, Lulzim Basha, ka reaguar ndaj vendimit të Gjykatës Speciale, që refuzoi kërkesën e ish-presidentit të Kosovës, Hashim Thaçi, për të marrë pjesë në varrimin e babait të tij.
Basha e cilësoi këtë vendim si të padrejtë dhe çnjerëzor, duke e konsideruar një shkelje të rëndë të të drejtave themelore të njeriut. Sipas tij, ky vendim vë në pikëpyetje standardet e drejtësisë që kjo gjykatë pretendon të përfaqësojë.
“Jam i revoltuar nga lajmi se gjykata ka refuzuar t’i lejojë presidentit Thaçi të marrë pjesë në varrimin e babait të tij. Ky është një vendim i padrejtë dhe çnjerëzor, që përbën një shkelje të rëndë të të drejtave themelore të njeriut dhe vë në pikëpyetje standardet e drejtësisë që kjo gjykatë pretendon të përfaqësojë,” – u shpreh Basha.
Ai shpreh solidaritet me Hashim Thaçin në këto momente të vështira, duke nënvizuar se dhimbja e tij është edhe dhimbja e çdo shqiptari.
“Në këto momente jam me zemër dhe mendje pranë Hashim Thaçit. Dhimbja e tij është dhimbja ime dhe e çdo bir shqiptari, e tashmë rëndohet edhe më shumë nga pamundësia për ta përcjellë babain e tij në banesën e fundit. Ngushëllimet më të ndjera për Hashim Thaçin dhe familjen e tij. Pusho në paqen e Zotit, Baci Haxhi!” – përfundoi Basha.
Reagimi i plotë i Bashës:
I revoltuar nga lajmi se gjykata ka refuzuar t’i lejojë presidentit Thaçi të marrë pjesë në varrimin e babait të tij. Ky është një vendim i padrejtë dhe çnjerëzor, që përbën një shkelje të rëndë të të drejtave themelore të njeriut dhe vë në pikëpyetje standardet e drejtësisë që kjo gjykatë pretendon të përfaqësojë.
Në këto momente jam me zemër dhe mendje pranë Hashim Thaçit dhimbja e të cilit është dhimbja ime dhe e çdo bir shqiptari, e tashmë rëndohet edhe më shumë nga pamundësia për ta përcjellë babain e tij në banesën e fundit.
Ngushëllimet më të ndjera për Hashim Thaçin dhe familjen e tij.
Pusho në paqen e Zotit, Baci Haxhi!
Po ndodh...
"Madhështia" e një konsulence amerikane.
Nga Roland Lami
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128