Trump hap thesin para zgjedhjeve: 5 mijë dollarë për çdo amerikan nëse fitojmë, na pret ferri nëse humbasim

Donald Trump hap thesin me dollarë përpara zgjedhjeve të Mesmandatit. Presidenti amerikan çeli kështu Konventën Republikane në Dallas të Teksasit.

“Nëse fitojnë republikanët, ju fitoni me ne dhe merrni 5 000 dollarë. Do të quhet dividendi i Trump”, u shpreh Presidenti amerikan.

Këtë shpërblim për çdo qytetar amerikan e kushtëzoi me fitoren e republikanëve dhe mbajtjen e shumicës në të dyja dhomat e Kongresit në zgjedhjet e nëntorit. Plani i tij do të kushtonte më shumë se një trilion dollarë, ndërsa sqaroi se paratë do të duhet të shpenzohen në SHBA. Oferta kontroverse u bë në një fjalim në konventën e parë të partisë në mes të një mandati presidencial në Shtetet e Bashkuara.

“Po ju kërkoj të bëni sikur jam në fletëvotim. Jam në fletëvotim. Vetëm edhe një herë. Sepse nëse humbasim, do të humbisni kufirin tuaj. Do të humbisni uljet e taksave. Do të humbisni sigurinë dhe mbrojtjen tuaj. Do të humbisni pasurinë tuaj. Vendi ynë po kalon nëpër ferr. Do të kaloni nëpër ferr ashtu siç kaluat vetëm dy vjet më parë. Ne kaluam nëpër ferr”, u shpreh Trump, shkruan A2.

Demokratët e etiketuan shpejt atë një “premtim bosh” dhe të tjerë vunë në dyshim nëse një premtim i tillë ishte i ligjshëm. Janë gati 270 milionë të rritur amerikanë që mund të përfitojnë çekun 5 mijë dollarësh dhe ligjet nuk lejojnë ndikimin e votës përmes parasë.

Fjalimi i gjatë i Trump në konventën republikane në Dallas të Teksasit preku thelbin e konfliktit me Iranin, ndikimin në standardin e jetesës së amerikanëve dhe premtimin e tij për të rritur fuqinë e tyre blerëse. Kjo shkaktoi duartrokitje të forta në sallë dhe nxiti presidentin të sulmonte rivalët demokratë.

“Ka një re të vogël e të çmendur mbi vendin tonë. Unë vërtet besoj se nuk do të shkojë askund, por duhet të sigurohemi sepse do ta mposhtim komunizmin në Amerikë dhe do të votojmë për lirinë amerikane”, theksoi Trump.

Mediat amerikane kanë kontrolluar faktet dhe ballafaquar deklaratat e presidentit, ndërsa shkruajnë se për shumë tema qëndrimi i tij nuk ka qenë i saktë. 

Po ndodh...

09:15 BOTA

Ngushtica e Hormuzit rikthehet në fushëbetejë, Irani sulmon anijet amerikane

08:58 POLITIKË

“Prania Besnike” në mision/ Tavolina e Ramës mbushet me halle, zbardhet takimi me drejtuesit politikë

08:55 SPORT

Champions League mbyll xhiron e parë me gjashtë ndeshje, Bayerni dhe Man Utd në aksion

08:47 AKTUALITET

100 kg kokainë mes trëndafilave, në pranga 6 persona, shumica shqiptarë

08:13 EKONOMI&SOCIALE

Karburanti rëndon shqiptarët, shtrenjtimi mbush arkën e shtetit

08:08 EKONOMI&SOCIALE

Emigracioni zbraz tregun e punës, Shqipëria kërkon kujdestarë të moshuarish nga Filipinet

08:03 JETË

Dashuria, paratë, karriera, njihuni me horoskopin për ditën e sotme, 10 Shtator 2026

08:02 AKTUALITET

Parashikimi i motit për sot, 10 shtator 2026

00:09 FJALEKRYQI

Skemë e lirë 10 shtator

23:57 SPORT

Rrahmani vendos derbin/ Gjilani mposht Ballkanin dhe ngjitet në vendin e tretë

23:41 SPORT

Miqësoret e Brazilit, Ancelotti nis sistrukturimin e ‘Seleçaos’ me listën e të grumbulluarve

23:30 SPORT

Rezultatet e Ligës së Kampionëve/ PSG e nis si kampione, merr menjëherë kryesimin e Ligës

23:18 POLITIKË

Mbyllet tubimi i 102, thirrjet e protestuesve: Nesër më shumë

22:53 KOSOVA

Ish-deputeti i Vetëvendosjes kallëzon penalisht Albin Kurtin, e akuzon për tre vepra penale

Dua të lexoj më shumë lajme