3-0 për burgun e Veliajt/ Gjykata e Lartë vulos masën, Apeli: Rrezikshmëri për provat, arratisjen dhe përsëritjen e veprave

Gjykata e Lartë vendosi këtë të martë, 15 shtator, të lërë në fuqi masën e sigurisë “arrest në burg” ndaj kryetarit të Bashkisë së Tiranës, Erion Veliaj, duke rrëzuar kërkesën për ndryshimin e masës së vendosur më herët nga Gjykata e Posaçme e Apelit për Korrupsionin dhe Krimin e Organizuar.

Çështja u shqyrtua në dhomë këshillimi, ndërsa arsyetimi i plotë i vendimit nuk është bërë ende publik. Sipas raportimit të gazetares së TCH, Anila Hoxha, tre gjyqtarët e Kolegjit Penal votuan unanimisht, 3-0, për lënien në fuqi të vendimit të Apelit.

Me këtë vendimmarrje, Gjykata e Lartë ka lënë në fuqi edhe vlerësimin e Apelit mbi proporcionalitetin e masës së sigurisë. Apeli kishte argumentuar se “arresti në burg” ishte një masë proporcionale në raport me rrezikshmërinë e veprave penale për të cilat Veliaj dyshohet.

Në vendimin e saj, Gjykata e Posaçme e Apelit kishte renditur një sërë rrethanash që, sipas saj, justifikojnë vijimin e masës së sigurisë. Ndër to përmendeshin dyshimet për kryerjen e veprave penale në bashkëpunim dhe në mënyrë të përsëritur, vlera e lartë e produktit të dyshuar të pastruar, si dhe rrezikshmëria që lidhet me natyrën e veprave dhe sjelljen e të dyshuarit pas vendosjes së masës së sigurimit.

Në vlerësimin e Apelit ishte marrë në konsideratë edhe statusi i Veliajt si subjekt i posaçëm dhe funksionar publik, ndërsa gjykata kishte çmuar se në rastin e tij ekzistonin të tria kushtet e veçanta të parashikuara nga neni 228, pika 3, e Kodit të Procedurës Penale.

Këto kushte lidhen me rrezikun e prishjes ose helmimit të provave, rrezikun e largimit dhe rrezikun e kryerjes së veprave të tjera penale të të njëjtit lloj me ato për të cilat personi po procedohet.

Vendimi i sotëm i Gjykatës së Lartë e lë kështu në fuqi masën e “arrestit në burg” ndaj Veliajt, ndërsa pritet publikimi i arsyetimit të plotë të trupës gjyqësore.

Po ndodh...

12:37 AKTUALITET

Sulmohet me thikë mjeku kirurg që mjekoi Dumanin, si nisi sherri brenda Spitalit Memorial

12:07 KOSOVA

"Kapitull rëndë për historinë e Kosovës", reagon ish-zv.kryeministri Hoxhaj: Lufta jonë ishte e pastër dhe e drejtë

11:53 KOSOVA

81 vite burg në total për Thaçin, Krasniqin, Veselin e Selimin, shpërthejnë protestuesit në rrugët e Prishtinës: UÇK!

11:50 POLITIKË

Dënimi i ish-krerëve të UÇK-së në Hagë, reagon menjëherë Rama: Marre!

11:47 KOSOVA

E turpshme në Hagë/ Katër ish-drejtuesit e UÇK-së shpallen përgjegjës për krime lufte! Sa vite burg u dënuan Thaçi, Krasniqi, Veseli dhe Selimi

11:44 KOSOVA

Rexhep Selimi shpallet fajtor nga trupi gjykues në Hagë, dënohet me 13 vite burg

11:43 KOSOVA

Gjyqi në Hagë, Kadri Veseli dënohet me 18 vite burg

11:39 KOSOVA

Seanca për ish-krerët e UÇK-së në Hagë, Krasniqi dënohet me 25 vite burg

11:33 KOSOVA

Trupi gjykues merr vendimin, Hashim Thaçi dënohet me 25 vite burg

11:31 KOSOVA

Vazhdon SEANCA/ Trupi gjykues: Thaçi kishte dijeni për krimet dhe nuk i parandaloi

11:26 KOSOVA

Trupi Gjykues: Limaj, Geci, Mustafa e Gashi ishin zbatues të qëllimit kriminal ndaj kundërshtarëve

11:17 KOSOVA

Seanca në Hagë, Gjyqtari Smith: 96 persona u vranë nga pjesëtarë të UÇK-së

11:08 SPORT

Rikthim i papritur, tashmë është zyrtare për Leo Mesin

11:06 KOSOVA

Gjyqi i ish-krerëve të UÇK-së, fillon festa në Prishtinë pas rënies së akuzave për krime lufte dhe kundër njerëzimit

Dua të lexoj më shumë lajme