“Sot u dënuan çlirimtarët”, vajza e Jakup Krasniqit shpërthen pas vendimit në Hagë: Padrejtësia më e madhe e këtij shekulli!

Pas shpalljes së vendimit në Hagë ndaj ish-krerëve të UÇK-së, ka reaguar Gresë  Krasniqi, vajza e Jakup Krasniqit, i cili u dënua me 25 vite heqje lirie.

Në një reagim në rrjetet sociale, ajo e cilësoi vendimin si të padrejtë dhe deklaroi se gjykata, ka vepruar në mënyrë politike.

“Në një gjykatë që ne e konsiderojmë të padrejtë, politike, raciste dhe kriminale, u dha një vendim po aq i padrejtë, politik, racist dhe kriminal. Ky vendim, perfundimisht, ndryshon historinë e Republikës së Kosovës, i vendosë një njollë të zezë UÇK-së dhe barazon viktimën me agresorin”, shkruan vajza e Jakup Krasniqit.

Gresë  Krasniqi deklaroi se do të vijojë të besojë në pafajësinë e babait të saj dhe të tre ish-krerëve të tjerë të UÇK-së.

Reagimi: 

Të dashur qytetarë të Republikës së Kosovës,

Sot, në qytetin e drejtësisë, ndodhi padrejtësia më e madhe e këtij shekulli.

Në një gjykatë që ne e konsiderojmë të padrejtë, politike, raciste dhe kriminale, u dha një vendim po aq i padrejtë, politik, racist dhe kriminal. Ky vendim, perfundimisht, ndryshon historinë e Republikës së Kosovës, i vendosë një njollë të zezë UÇK-së dhe barazon viktimën me agresorin.

Katër burra që i kthyen armët kundër armikut, jo për të pushtuar e as për pushtet, por për të mbrojtur pragun e shtëpisë që digjej e shkatërrohej; për të mbrojtur familjarët që dhunoheshin, përdhunoheshin, torturoheshin e vriteshin; që zhdukeshin e dëboheshin nga trojet e tyre.

UÇK-ja luftoi kundër kasapit të Ballkanit, kundër një prej ushtrive më të përgjakshme të rajonit, kundër një makinerie ushtarake që kreu gjenocid në Kosovë. E megjithatë, sot u dënuan çlirimtarët.

Në këtë gjykatë te padrejt, sot u dënua zëdhënësi i UÇK-së, ndërsa homologu i tij i atëhershëm, Ivica Daçiq, vazhdon të jetë i lirë dhe të jetojë krejt mirë në Beograd. Ky eshte vec nje tjeter tregues i qarte per natyren paragjykuese dhe politike te po kesaj gjykate.

Natyrisht, ky vendim na ka lënduar dhe na ka zhgënjyer, Por kurrë nuk do të na thyejë dhe kurrë nuk do të na dorëzojë.

Unë jetoj dhe do të vdes me bindjen time të plotë në pafajësinë dhe çiltërsinë e babait tim, Hashimit, Kadriut dhe Rexhës.

Krenaria mbetet. E vërteta mbetet.

Ne do ta vazhdojmë luften për liri dhe drejtesi!

Po ndodh...

12:37 AKTUALITET

Sulmohet me thikë mjeku kirurg që mjekoi Dumanin, si nisi sherri brenda Spitalit Memorial

12:07 KOSOVA

"Kapitull rëndë për historinë e Kosovës", reagon ish-zv.kryeministri Hoxhaj: Lufta jonë ishte e pastër dhe e drejtë

11:53 KOSOVA

81 vite burg në total për Thaçin, Krasniqin, Veselin e Selimin, shpërthejnë protestuesit në rrugët e Prishtinës: UÇK!

11:50 POLITIKË

Dënimi i ish-krerëve të UÇK-së në Hagë, reagon menjëherë Rama: Marre!

11:47 KOSOVA

E turpshme në Hagë/ Katër ish-drejtuesit e UÇK-së shpallen përgjegjës për krime lufte! Sa vite burg u dënuan Thaçi, Krasniqi, Veseli dhe Selimi

11:44 KOSOVA

Rexhep Selimi shpallet fajtor nga trupi gjykues në Hagë, dënohet me 13 vite burg

11:43 KOSOVA

Gjyqi në Hagë, Kadri Veseli dënohet me 18 vite burg

11:39 KOSOVA

Seanca për ish-krerët e UÇK-së në Hagë, Krasniqi dënohet me 25 vite burg

11:33 KOSOVA

Trupi gjykues merr vendimin, Hashim Thaçi dënohet me 25 vite burg

11:31 KOSOVA

Vazhdon SEANCA/ Trupi gjykues: Thaçi kishte dijeni për krimet dhe nuk i parandaloi

11:26 KOSOVA

Trupi Gjykues: Limaj, Geci, Mustafa e Gashi ishin zbatues të qëllimit kriminal ndaj kundërshtarëve

11:17 KOSOVA

Seanca në Hagë, Gjyqtari Smith: 96 persona u vranë nga pjesëtarë të UÇK-së

11:08 SPORT

Rikthim i papritur, tashmë është zyrtare për Leo Mesin

11:06 KOSOVA

Gjyqi i ish-krerëve të UÇK-së, fillon festa në Prishtinë pas rënies së akuzave për krime lufte dhe kundër njerëzimit

Dua të lexoj më shumë lajme