Lajme flash
EMRAT/ Kapen “mat” duke kontrabanduar veshje nga Greqia, arrestohen dy persona, e pësojnë dhe katër punonjës të Doganës së Kapshticës
20 February 2025, 14:55 / AKTUALITET
Dy persona janë arrestuar në aksin rrugor “Kapshticë-Bilisht”, duke transportuar veshje kontrabandë nga Greqia.
Po ashtu janë proceduar penalisht edhe katër punonjës të Degës Doganore Kapshticë për veprën penale “shpërdorim detyre”.
Sekuestrohen veshjet, 2 automjete dhe 3 celularë. Top Channel mëson se janë proceduar shtetasit Dritan Çekanim, Vangjush Nole, Klodian Palloi dhe Renato Molla.
Korçë/Finalizohet nga Sektori për Hetimin e Krimeve Ekonomike dhe Financiare, operacioni policor “Mission failed”, për goditjen e kontrabandës së mallrave.
U kapën në flagrancë në aksin rrugor “Kapshticë – Blilisht”, duke transportuar me automjete, veshje të ndryshme që i kishin kontrabanduar nga Greqia, arrestohen 2 shtetas.
Procedohen penalisht 4 punonjës të Degës Doganore Kapshticë, për veprën penale “Shpërdorimi i detyrës”.
Sekuestrohen veshjet, 2 automjete dhe 3 celularë.
Specialistët e Seksionit për Hetimin e Krimeve Ekonomike dhe Financiare, në vijim të punës për parandalimin, evidentimin dhe goditjen e veprimtarive kriminale në fushën e kontrabandës së mallrave, bazuar dhe në informacionet e siguruara nga inteligjenca policore, kanë organizuar operacionin policor të koduar “Mission failed”, për goditjen e një rasti në këtë fushë.
Gjatë operacionit, në aksin rrugor “Kapshticë – Blilisht”, shërbimet e Policisë kanë ndaluar automjetet me drejtues shtetasit L. N. dhe Xh. N. Gjatë kontrollit në këto 2 automjete, shërbimet e Policisë kanë gjetur veshje të ndryshme, të cilat dyshohet se janë futur në Shqipëri, pa kryer procedurat e zhdoganimit.
Në vijim të veprimeve për këtë rast u arrestuan në flagrancë shtetasit L. N., 24 vjeç dhe Xh. N., 24 vjeç, banues në Bilisht, për veprën penale “Kontrabanda me mallra të tjera”.
Gjithashtu, u referuan materialet në Prokurori ku nisi procedimi për veprën penale “Shpërdorimi i detyrës”, për shtetasit D. Ç., 46 vjeç (Drejtor i Degës Doganore Kapshticë), V. N., 38 vjeç (përgjegjës turni), K. P., 45 vjeç dhe R. M., 40 vjeç (doganierë), pasi dyshohet se nuk kanë kryer veprimet për zhdoganimin e mallrave, sipas ligjit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
Po ndodh...
ide
Kur pushteti ankohet se po demaskohet!
Nga Eva Idrizllari
PS dhe PD kanë krijuar një ekuilibër të palëkundshëm Nash
Nga Fitim Zekthi
Insistimi tek krimi, arësyeja përse kryeministri Rama duhet të dorëhiqet
Nga Blendi Kajsiu
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128