English
Luaj me Fjalëkryq
Lajme flash

Arrestohet në Beograd deputeti i Malit të Zi pasi shpërndau një video nga protesta

15 Mars 2025, 18:02 / BOTA ALFA PRESS
Arrestohet në Beograd deputeti i Malit të Zi pasi shpërndau

Ivan Vukoviç, nënkryetar i Partisë Demokratike të Socialistëve (DPS) në Mal të Zi dhe deputet i parlamentit të asaj partie në këtë vend, u arrestua në Beograd.

Ai u ndalua nga Agjencia e Sigurisë dhe Inteligjencës (BIA) e Serbisë.

Këtë informacion ia kanë konfirmuar medias malazeze “Vijesti”.

DPS tha se një person i afërt me Vukoviçin, i cili ishte me të privatisht në Beograd, tha se anëtarët e BIA-s e arrestuan atë teksa po dilte nga hoteli “Hilton”.

Një burim i “Vijesti” i cili ishte i pranishëm në paraburgimin e Vukoviqit, tha se para ashensorit i kanë pritur disa persona me uniformë dhe dy me rroba civile, të cilët janë prezantuar si anëtarë të BIA-s dhe e kanë ndaluar atë.

Vukoviçi u tha atyre se ai ishte në Beograd për të shoqëruar një anëtar të familjes që ishte atje për arsye shëndetësore.

Ai u shpjegoi se do të ktheheshin në Mal të Zi, por gjithsesi e kishin ndaluar.

DPS tha se nuk i dinë detajet e vendndodhjes aktuale të Vukoviçit dhe se aktualisht po tentojnë të punësojnë një avokat.

Vukoviç mbrëmë ka shpërndarë në faqen e tij në Facebook një video nga protesta në Beograd.

Për arrestimin e tij, sot në mëngjes në televizionin serb “Pink” u bë thirrje nga kreu i Partisë Radikale Serbe dhe i dënuari i Hagës, Vojislav Sheshel.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128