Gjiganti gjerman Bosch planifikon shkurtimin e 20 mijë vendeve të punës, alarm në industri

Gjiganti industrial gjerman Bosch ka konfirmuar këtë të premte planet për të shkurtuar 20 mijë vende pune, pasi fitimet e kompanisë pothuajse u përgjysmuan gjatë vitit të kaluar sipas Politico, raporton skyweb.al.

Vendimi nxjerr në pah presionin gjithnjë e më të fortë mbi sektorin prodhues gjerman, dikur shtylla kryesore e ekonomisë së vendit, dhe rrit presionin ndaj politikës në Berlin për të gjetur zgjidhje konkrete.

Të dhënat zyrtare të publikuara po këtë të premte tregojnë se papunësia në Gjermani, e pa përshtatur sipas faktorëve sezonalë, është rritur në 6.6 për qind, niveli më i lartë në 12 vitet e fundit. Numri i të papunëve ka kaluar 3 milionë persona gjatë muajit janar.

“Realiteti ekonomik reflektohet edhe në rezultatet tona,” deklaroi drejtori ekzekutiv i Bosch, Stefan Hartung, duke e cilësuar vitin 2025 si “një vit të vështirë dhe, në disa raste, të dhimbshëm” për kompaninë, e cila është një nga furnizuesit kryesorë të industrisë automobilistike.

Vendimi vjen në një moment kur industria e makinave në Gjermani po përjeton një rënie të thellë. Ky sektor, që për dekada ka qenë baza e prodhimit gjerman, po humbet vende pune me ritme të shpejta. Një studim i vitit 2025 nga EY tregon se mbi 50 mijë vende pune në industrinë automobilistike u shkurtuan vetëm gjatë vitit të kaluar.

Kriza e sektorit të automjeteve është shndërruar tashmë në një test të madh politik për qeverinë në Berlin dhe për Europën në tërësi. Industria, dikur krenaria e ekonomisë gjermane, po përballet sot me sfida të shumta, nga politikat aktuale për automjetet elektrike dhe kostot e larta të energjisë, deri te konkurrenca agresive nga prodhuesit kinezë.

Me dobësimin e zinxhirit të furnitorëve, rreziku po zhvendoset nga ulja e fitimeve drejt një humbjeje afatgjatë të konkurrueshmërisë. Ndërsa shkurtimet e vendeve të punës po shtohen dhe investimet po shtyhen, qeveria e kancelarit Friedrich Merz po përballet me presion në rritje nga punëtorët, sindikatat dhe drejtuesit e industrisë për të rishikuar strategjinë industriale të Gjermanisë.

Dyshimet po shtohen jo vetëm brenda vendit, por edhe në nivel europian, mbi aftësinë e Gjermanisë për të ruajtur rolin e saj si një nga fuqitë kryesore ekonomike të kontinentit. 

Po ndodh...

00:00 Fjalëkryq

Skemë e lirë 31 janar

23:18 BOTA

Mbi 200 të vdekur nga shembja e një miniere koltani në lindje të Kongos

23:03 BOTA

Zbardhen audio tronditëse nga zjarri vdekjeprurës në Krans-Montana

23:01 SHOWBIZ

Ndarja nga jeta e aktores së njohur në “Home Alone”, vjen reagimi prekës i ''Kevinit''

22:52 AKTUALITET

“Nëse nuk e jap burimin rrezikoj 1 vit burg”/ Artan Hoxha: Mos u çudisni që 21 janari të përfundojë nga arrestimi i elitës politike te burgosja e gazetarit

22:44 POLITIKË

“BKH mund t’i shkojë Ramës në zyrë”/ Gazetari: Kaseta tregon se vrasjet e 21 Janarit janë bërë me urdhër

22:40 AKTUALITET

E pazakontë/ Shqiptari punonte si oficer i emigracionit në Angli, por ishte vetë emigrant i paligjshëm!

22:30 SPORT

Përfundimisht zyrtare/ Kristjan Asllani firmos te Beshiktashi, huazim me opsion blerjeje

22:28 AKTUALITET

Qumështi me baktere që sjell probleme serioze për foshnjat, në Shqipëri u shpërndanë 276 kuti

22:23 AKTUALITET

Makutëri deri në palcë! Si u sabotua ekzekutimi i gjobës 190 mijë € të Bankers Petroleum

22:05 SHOWBIZ

Çfarë ndodhi në BBVK? Elijona niset me urgjencë drejt spitalit

21:52 BOTA

“Kam përfunduar 8 luftëra”, Trump: Po i afrohemi një zgjidhjeje për luftën Rusi-Ukrainë

21:35 SPORT

Ofertë tunduese nga Arabia Saudite, futbollisti shqiptar drejt transferimit te…

21:17 SPORT

Vllaznia rikthen sulmuesin Kevin Dodaj, vjen nga Bullgaria

Dua të lexoj më shumë lajme