English
Luaj me Fjalëkryq
Lajme flash

Zelenskyt iu tha të largohej! Çfarë ndodhi në Shtëpinë e Bardhë pas diskutimeve me tone të ashpra mes dy presidentëve? CNN zbulon prapaskenat e takimit

28 Shkurt 2025, 23:27 / BOTA ALFA PRESS

Zelenskyt iu tha të largohej! Çfarë ndodhi në

Një përplasje e jashtëzakonshme shpërtheu në Zyrën Ovale sot (28 shkurt) midis Presidentit Donald Trump dhe homologut të tij ukrainas Volodymyr Zelensky, një takim që vetëm nënvizoi të ardhmen thellësisht të pasigurt të ndihmës amerikane për Kievin, raporton CNN.

Duke kritikuar Zelenskyn për mos demonstrimin e mjaftueshëm të mirënjohjes për mbështetjen amerikane, Trump dhe zëvendëspresidenti i tij JD Vance ngritën zërin, duke akuzuar liderin se po pengonte një marrëveshje paqeje me Rusinë, ndërsa pushtimi në shkallë të plotë ka tejkaluar vitin e tretë.

“Ju jeni në një pozitë jo shumë të mirë. Keni lejuar veten të jeni në një pozitë shumë të keqe. Nuk i keni kartat tani. Me ne, ju filloni të keni karta”, tha Trump.

“Nuk jam duke luajtur me karta”, tha Zelensky.

Duke ngritur zërin, Trump tha: “Ju jeni duke luajtur bixhoz me jetët e miliona njerëzve. Ju jeni duke luajtur bixhoz me Luftën e Tretë Botërore.”

Në një moment, Vance akuzoi Zelenskyn se ishte “mosrespektues” ndaj mikpritësve të tij amerikanë.

“Ju nuk jeni aq mirënjohës”, shtoi Trump.

“A keni thënë “faleminderit” një herë?” Vance e pyeti Zelenskyn.

Pas diskutimeve, të dy udhëheqësit shkuan në dhoma të ndara dhe Trump urdhëroi që ukrainasit të largoheshin, tha një zyrtar i Shtëpisë së Bardhë. Ukrainasit protestuan dhe donin të vazhdonin bisedimet. Por atyre iu tha jo, tha një zyrtar i Shtëpisë së Bardhë.

Një konferencë e përbashkët e planifikuar për shtyp u anulua dhe Zelensky u largua me SUV-in e tij të zi pa nënshkruar një marrëveshje të planifikuar për sigurimin e aksesit të SHBA-së në mineralet e rralla të tokës të Ukrainës.

Trump postoi në internet se homologu i tij nuk ishte i mirëpritur derisa të ishte “gati për paqe“. Zelensky postoi në X , “Faleminderit Amerikë, faleminderit për mbështetjen tuaj, faleminderit për këtë vizitë. Faleminderit @POTUS, Kongresit dhe popullit amerikan.”

Ministria e Mbrojtjes e Ukrainës reagoi gjithashtu në Telegram: “Ne kemi gjërat tona për të bërë. Lavdi Ukrainës.”

Kirill Dmitriev, një i dërguar special i Presidentit rus Vladimir Putin, reagoi ndaj një videoje të diskutimeve Trum-Zelensky, duke shkruar  në X: “historike”.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128